ହେମନ୍ତ ସରକାରର ଆଜି ଫ୍ଲୋର୍ ଟେଷ୍ଟ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସମ୍ପ୍ରତି ଝାଡ଼ଖଣ୍ଡରେ ବଡ ରାଜନୈତିକ ବିକାଶ ଦେଖିବାକୁ ମିଳିଛି। ଜୁନ ୨୮ରେ ହେମନ୍ତ ସୋରେନ ଜେଲରୁ ବାହାରିଥିଲେ ଏବଂ ଚମ୍ପାଇ ସୋରେନ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ। ଏହା ପରେ ହେମନ୍ତ ସୋରେନ ବିରୋଧୀ ଦଳର ବୈଠକରେ ବିଧାନସଭା ଦଳର ନେତା ଭାବରେ ନିର୍ବାଚିତ ହୋଇଥିଲେ। ବୈଠକର ପରଦିନ, ଜୁଲାଇ ୪ରେ ହେମନ୍ତ ସୋରେନ ଝାଡ଼ଖଣ୍ଡର ମୁଖ୍ୟମନ୍ତ୍ରୀ ହୋଇଥିଲେ।
ବର୍ତ୍ତମାନ ସୋମବାର ଅର୍ଥାତ୍ ଜୁଲାଇ ୮ରେ ଝାଡ଼ଖଣ୍ଡରେ କ୍ୟାବିନେଟ ବିସ୍ତାର କରାଯିବ। ଗୁରୁବାର ରାଜ ଭବନରେ କେବଳ ହେମନ୍ତ ସୋରେନ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ। କ୍ୟାବିନେଟର ସମ୍ପ୍ରସାରଣ ପରେ ଅନ୍ୟ ସହକର୍ମୀମାନେ ଶପଥ ଗ୍ରହଣ କରିବେ। ତେବେ ଆଜି ବିଧାନସଭା ବହୁମତର ପ୍ରମାଣ ଦେବେ ହେମନ୍ତ ସୋରେନ୍ । ଝାଡଖଣ୍ଡରେ ସରକାର ଗଠନ କରିଥିବା ଝାଡଖଣ୍ଡ ମୁକ୍ତି ମୋର୍ଚ୍ଚାର ଆଜି ବିଧାନସଭାରେ ଶକ୍ତି ପରୀକ୍ଷା ହେବ ।
ତେବେ ଏଥିପାଇଁ ଝାଡଖଣ୍ଡ ରାଜନୀତି ସରଗରମ ହେଇଛି । ଆଉ ଉଭୟ ଶାସକ ଓ ବିରୋଧୀ ଏଥିପାଇଁ ରଣନୀତି ମଧ୍ୟ ପ୍ରସ୍ତୁତ କରିଛନ୍ତି । ଗତକାଲି ଶାସକ ଦଳର ବିଧାୟକମାନେ ବସି ଆଲୋଚନା କରିଥିଲେ । ଏହି ବୈଠକରେ ବହୁମତ ପରୀକ୍ଷା ଏବଂ କ୍ୟାବିନେଟ୍ ସମ୍ପ୍ରସାରଣ ନେଇ ଆଲୋଚନା ହେଇଥିବା ଜଣାପଡିଛି । ଅନ୍ୟପଟେ ଝାଡଖଣ୍ଡରେ ବିରୋଧୀ ଆସନରେ ବସିଥିବା ବିଜେପି ମଧ୍ୟ ସରକାରକୁ ଘେରିବାକୁ ରଣନୀତି ପ୍ରସ୍ତୁତ କରିଛି ।