କେନାଲ ସଫେଇ ନାମରେ କୋଟି କୋଟି ଟଙ୍କା ହରିଲୁଟ୍

ପାଟକୁରା (ବଡ଼ ଖବର ବ୍ୟୁରୋ): କେନାଲ ସଫେଇ ନାମରେ କୋଟି କୋଟି ଟଙ୍କା ହରିଲୁଟ୍ ହେଉଥିବା ଏବେ ନଜରକୁ ଆସିଛି। ମହାନଦୀ ଚିତ୍ରୋତ୍ପଳା ଦ୍ଵିପାଞ୍ଚଳ ମଧ୍ୟରେ ଯାଇଥିବା ବିଭିନ୍ନ କେନାଲ ସଫେଇ ନାମରେ ସରକାରୀ ତହସିଲରୁ ବାର୍ଷିକ କୋଟି କୋଟି ଟଙ୍କା ବ୍ୟୟବରାଦ କରାଯାଉଥିବା ବେଳେ ବିଭାଗୀୟ ଅଧିକାରୀ, ଯନ୍ତ୍ରୀ ଓ ଠିକାଦାରଙ୍କ ମଧ୍ୟରେ ମଧୁଚନ୍ଦ୍ରିକା ଯୋଗୁଁ କେନାଲ୍ ସଫେଇ ଆଳରେ କୋଟି କୋଟି ଟଙ୍କା ବାଟ ମାରଣ ହେଉଥିବା ଦେଖିବାକୁ ମିଳୁଛି। କେନାଲ ମଧ୍ୟରେ ହିଟାଚି ଓ ଜେସିବି ଭଳି ମେସିନ୍ ପୂରାଇ ଖାଲି ଗଡ଼େଇ ନିଆଯାଉଥିବା ବେଳେ ଲେବୁଲ୍ ଉପରେ ମୋଟେ ନଜର ଦିଆଯାଉନାହିଁ । ଯାହା ଫଳରେ କେନାଲକୁ ଆସୁଥିବା ପାଣି, କେନାଲର ତଳ ମୁଣ୍ଡ ଓ ଶାଖା କେନାଲକୁ ଯାଇପାରୁ ନଥିବାରୁ ଚାଷୀମାନଙ୍କ ମଧ୍ୟରେ ଅସନ୍ତେଷ ଦେଖାଦେଉଛି ।