ତାଲିବାନ ଉପରେ ଆମେରିକାର ଏୟାରଷ୍ଟ୍ରାଇକ, ୫ଆତଙ୍କବାଦୀ ମୃତ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କିଛିଦିନ ତଳେ ଆଫଗାନସ୍ତାନରୁ ଆମେରିକା ନିଜର ସେନା ପ୍ରତ୍ୟାହାର କରିଥିଲା । ତେବେ ଏହାକୁ ଦେଖି ଆଫଗାନିସ୍ତାନରେ ତାଲିବାନ ପୁଣି ସକ୍ରିୟ ହେବା ସହ ଅନେକ ସହରକୁ ନ୍ଖକ୍ସ ନିୟନ୍ତ୍ରଣରେ ନେବା ପାଇଁ ଚେଷ୍ଟା କରୁଛି । ଅଫଗାନିସ୍ତାନର ଲୋକଙ୍କ ଉପରେ ଅତ୍ୟାଚାର ବି ଆରମ୍ଭ କରିଦେଇଥିବା ଜଣାପଡ଼ିଥିଲା । ଯାହାକୁ ନଜରରେ ରଖି ଆଫଗାନିସ୍ତାନର ସହଯୋଗରେ ତାଲିବାନ ଉପରେ ଏୟାରଷ୍ଟ୍ରାଇକ କରିଛି ଆମେରିକା ।
ସେପଟେ ସେନା ପ୍ରତ୍ୟାହାର କରିବା ନିଷ୍ପତ୍ତିରୁ ମଧ୍ୟ ୟୁଟର୍ଣ୍ଣ ନେଇଛି ଆମେରିକା । ତେବେ ଆମରେିକା କରିଥିବା ଏୟାରଷ୍ଟ୍ରାଇକରେ ତାଲିବାନର ଅନେକ କ୍ୟାମ୍ପ ନଷ୍ଟ ହୋଇଛି । ସେହିଭଳି ୫ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଥିବା ମଧ୍ୟ ସୂଚନା ମିଳିଛି । ସ୍ଥାନୀୟ ଗଣମାଧ୍ୟମର ସୂଚନାନୁସାରେ, ଗତ ତିନି ଦିନ ମଧ୍ୟରେ ଆଫଗାନିସ୍ତାନର ଅନେକ ପ୍ରାନ୍ତରେ ଆମେରିକା ଏୟାରଷ୍ଟ୍ରାିକ କରିଛି । ତେବେ ବର୍ତ୍ତମାନ ସୁଦ୍ଧା ତାଲିବାନ ଆଫଗାନିସ୍ତାନର ୪୧୯ ଟି ଜିଲ୍ଲାର ପ୍ରାୟ ୨୧୦ଟି ସ୍ଥାନକୁ ନିୟନ୍ତ୍ରଣକୁ ନେଇଛି। ଆଫଗାନିସ୍ତାନ ସୁରକ୍ଷା ବାହିନୀ ସହିତ ଅନେକ ସ୍ଥାନରେ ତାଲିବାନରୁ ଯୁଦ୍ଧ ଚାଲିଛି।
ଆମେରିକାର ଯୁଗ୍ମ ସେନାଧ୍ୟକ୍ଷ ଜେନେରାଲ ମାର୍କ ମିଲ କହିଛନ୍ତି ଯେ ଆଫଗାନିସ୍ତାନକୁ ନିୟନ୍ତ୍ରଣ କରିବା ପାଇଁ ତାଲିବାନ ବିଭିନ୍ନ ରଣନୀତି ତିଆରି କରିଛି। ବୁଧବାର ମିଲ ପେଣ୍ଟାଗନକୁ କହିଛନ୍ତି ଯେ ଏହା ଆଫଗାନିସ୍ତାନର ସୁରକ୍ଷା, ସରକାର ଏବଂ ଆଫଗାନିସ୍ତାନର ଲୋକଙ୍କ ଇଚ୍ଛାଶକ୍ତି ଏବଂ ନେତୃତ୍ୱ ବିରୋଧରେ ରହିଛି। ପେଣ୍ଟାଗନ୍ କହିଛି ଯେ ଆଫଗାନିସ୍ତାନରୁ ଆମେରିକାର ସୈନ୍ୟ ପ୍ରତ୍ୟାହାର ପ୍ରକ୍ରିୟା ୯୫ ପ୍ରତିଶତ ସମ୍ପୂର୍ଣ୍ଣ ହୋଇଛି। ଅଗଷ୍ଟ ୩୧ ସୁଦ୍ଧା ଶେଷ ହେବ। ମିଲଙ୍କ ସହ ଆସିଥିବା ଆମେରିକାର ପ୍ରତିରକ୍ଷା ସଚିବ ଓଲିଉଡ ଅଷ୍ଟିନ କହିଛନ୍ତି ଯେ ଆମେରିକାର ସୈନ୍ୟ ବାହିନୀର ଉଦ୍ୟମ ତାଲିବାନ ଉପରେ ନୁହେଁ ବରଂ ଆତଙ୍କବାଦୀ ବିପଦର ମୁକାବିଲା ଉପରେ କେନ୍ଦ୍ରୀତ।