ସରକାରୀ ଅଧିକାରୀ ଏବଂ ବିଜେପି କର୍ମୀଙ୍କ ଦ୍ୱାରା ତ୍ରିରଙ୍ଗା ଯାତ୍ରା

ତିର୍ତ୍ତୋଲ (ବଡ଼ ଖବର ବ୍ୟୁରୋ): ତିର୍ତ୍ତୋଲରେ ସରକାରୀ ଅଧିକାରୀ ଦ୍ୱାରା ତ୍ରିରଙ୍ଗା ପଦଯାତ୍ରା କରାଯାଇଥିଲା । ତିର୍ତ୍ତୋଲ ବ୍ଲକର ଉର୍ଣ୍ଣୟନ ଅଧିକାରୀଙ୍କ ତତ୍ୱାବଧାନରେ ତିର୍ତ୍ତୋଲ ବ୍ଲକ ପରିସରରୁ ତିର୍ତ୍ତୋଲ ବ୍ଲକର ସମସ୍ତ ଅଧିକାରୀ, ଅଗ୍ନିଶମ ବିଭାଗ, ସ୍ଥାନୀୟ ପୋଲିସ ପ୍ରଶାସନ ସହ ଶତାଧିକ ସ୍ଥାନୀୟ ବାସିନ୍ଦା ତିର୍ତ୍ତୋଲ ଲକ ପର୍ୟ୍ୟନ୍ତ ପଦଯାତ୍ରା କରିଥିଲେ । ସେହିପରି ତିର୍ତ୍ତୋଲ ନିର୍ବାଚନ ମଣ୍ଡଳୀର ବିଜେପି ଯୁବମୋର୍ଚ୍ଚା ପକ୍ଷରୁ ହରଘର ତ୍ରିରଙ୍ଗା କାର୍ୟ୍ୟକ୍ରମ କରାଯାଇଛି । ଜଗତସିଂହପୁର ଜିଲ୍ଲା ତିର୍ତ୍ତୋଲ ନିର୍ବାଚନ ମଣ୍ଡଳୀ ଜୟପୁର ଛକ ଠାରୁ ତିର୍ତ୍ତୋଲ କୁମାର ଉତ୍ସବ ପଡ଼ିଆ ପର୍ୟ୍ୟନ୍ତ ଏକ ବାଇକ୍ ରାଲି ମାଧ୍ୟମରେ ତ୍ରିରଙ୍ଗା ଶୋଭାଯାତ୍ରା କରାଯାଇଥିଲା । ଏଥିରେ ଜିଲ୍ଲା ଯୁବମୋର୍ଚ୍ଚା ସଭାପତି ସୁଧିର ମଲ୍ଲିକଙ୍କ ସମେତ ଶତାଧିକ ବିଜେପି ଯୁବମୋର୍ଚ୍ଚା କର୍ମୀମାନେ ଯୋଗଦେଇଛନ୍ତି।