ଜଗତସିଂହପୁର ଜିଲ୍ଲାରେ ମେଡିକାଲ କଲେଜ ପ୍ରତିଷ୍ଠା ଦାବିରେ ୧୨ ଘଣ୍ଟିଆ ବନ୍ଦ ପାଳନ

ଜଗତସିଂହପୁର (ବଡ଼ ଖବର ବ୍ୟୁରୋ):   ଜଗତସିଂହପୁର ଜିଲ୍ଲାରେ ଜନ ସାଧାରଣଙ୍କୁ ଉତ୍ତମ ସ୍ୱାସ୍ଥ୍ୟ ସେବା ଯୋଗାଇ ଦେବା ପାଇଁ ଜିଲ୍ଲାରେ ମେଡ଼ିକାଲ କଲେଜ ପ୍ରତିଷ୍ଠା ଦାବି । ଏହା ସହିତ ଜିଲ୍ଲାରେ ଥିବା ସ୍ୱାସ୍ଥ୍ୟକେନ୍ଦ୍ରକୁ ଅନ୍ୟତ୍ର ସ୍ଥାନାନ୍ତର । ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟ ନାମକୁ ପରିବର୍ତ୍ତନ କରାଯାଇ ସିଟି ହସ୍ପିଟାଲ ନାମରେ ନାମିତ କରିବା, ବେଡ ସଂଖ୍ୟାକୁ ୫୦୦କୁ ବୃଦ୍ଧି କରିବା ଆଦି ଦାବି ନେଇ ଆଜି ଜଗତସିଂହପୁର ଜିଲ୍ଲା ସ୍ୱାସ୍ଥ୍ୟ ସୁରକ୍ଷା ଅଭିଯାନ ପକ୍ଷରୁ ୧୨ ଘଣ୍ଟିଆ ଜଗତସିଂହପୁର ବନ୍ଦ ଡାକରା ଦିଆଯାଇଛି ।

ଯାହାକୁ ନେଇ ଗତ ନଭେମ୍ବର ୩ ତାରିଖରେ ଜିଲ୍ଲା ମୁଖ୍ୟ ଚିକିତ୍ସାଳୟ ସମ୍ମୁଖରେ ଜିଲା ସ୍ୱାସ୍ଥ୍ୟ ସୁରକ୍ଷା ଅଭିଯାନର ଡାକରାରେ ଜିଲ୍ଲାର କୋଣ ଅନୁକୋଣରେ ଥିବା ବିଭିନ୍ନ ସଙ୍ଗଠନର କର୍ମୀ ଏବଂ ଜଗତସିଂହପୁର ଜିଲ୍ଲାର ବୁଦ୍ଧିଜିବୀ ସମାଜସେବୀ ଓ ଜନସାଧାରଣ ମାନେ ଶାନ୍ତିପୂର୍ଣ୍ଣ ଭାବେ ନିଜର ହକ୍ ପାଇଁ ଧାରଣା ଦେଇଥିଲେ।ଆଜି ଏହି ବନ୍ଦ ପ୍ରଭାବରେ ଜଗତସିଂହପୁର ସହର ସମେତ ଜିଲ୍ଲାର ବିଭିନ୍ନ ସ୍ଥାନରେ ଦୋକାନ ବଜାର ସହ ଯାନବାହାନ ଚଳାଚଳ ବନ୍ଦ ରହିଛି । ସହ ଦାବି ପୂରଣ ନହେବା ପର୍ୟ୍ୟନ୍ତ ଜିଲ୍ଲାରେ ଏହି ପରି ଆନ୍ଦୋଳନ ଜାରି ରହିବ ବୋଲି ଚେତାବନୀ ମଧ୍ୟ ଦିଆଯାଇଛି ।