ବାହାନଗା ବ୍ଲକକୁ ମରୁଡି ଘୋଷଣା ପାଇଁ କଂଗ୍ରେସ ରାଲି

ବାହାନଗା (ବଡ଼ ଖବର ବ୍ୟୁରୋ): ଭାରତୀୟ ଜାତୀୟ କଂଗ୍ରେସ ବାହନଗା ବ୍ଲକର କଂଗ୍ରେସ କର୍ମୀ ଗୋପାଳପୁର କଂଗ୍ରେସ ଅଫିସରୁ ଏକ ଶୋଭାଯାତ୍ରାରେ ବାହାରି ବାହାନଗା ତହସିଲ ଆଗରେ ପହଞ୍ଚି ସୁଧାଂଶୁ ଶେଖର ଜେନା ଙ୍କ ଅଧ୍ୟକ୍ଷତାରେ ଏକ ସଭା ଅନୁଷ୍ଠିତ ହୋଇଥିଲା। ସଭାରେ କଂଗ୍ରେସ ଦଳର ସୋରୋ ବିଧାନସଭା ନିର୍ବାଚନମଣ୍ଡଳିର ବିଧାୟକ ପ୍ରାର୍ଥୀ ସୁବ୍ରତ ଧଡା, ବରିଷ୍ଠ କର୍ମୀ ବାସନ୍ତୀ ସାମଲ, ସାଧୁ ଚରଣ ପରିଡ଼ା ପ୍ରମୁଖ ଯୋଗ ଦେଇ ବାହାନଗା ବ୍ଲକରେ ମୌସୁମୀ ବର୍ଷା ଅଭାବ ସାଙ୍ଗକୁ ବହୁ ଏଲ ଆଇ ପଏଣ୍ଟ ଅଚଳ ଥିବାରୁ ଧାନ ଚାଷ ହୋଇପାରିନାହିଁ, ଫଳରେ ଚାଷୀ ମୁଣ୍ଡରେ ଚଡକ ପଡ଼ିଛି। ସେଥିପାଇଁ ୧୦ ଦଫା ଦାବି ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ବାହାନଗା ତହସିଲଦାର ସସ୍ମିତା ମୁର୍ମୁଙ୍କୁ ଏକ ଦାବିପତ୍ର ପ୍ରଦାନ କରିଥିଲେ।