ସ୍ୱାଧୀନ ପ୍ରାର୍ଥୀ ପିଙ୍କି ହେଲେ ଢିଙ୍କିଆ ସରପଞ୍ଚ

ଏରସମା (ବଡ଼ ଖବର ବ୍ୟୁରୋ): ବହୁ ପ୍ରତିକ୍ଷୀତ ଜଗତସିଂହପୁର ଜିଲ୍ଲା ଏରସମା ବ୍ଲକର ଢ଼ିଙ୍କିଆ ନିର୍ବାଚନ ଫଳାଫଳ ଘୋଷଣା କରାଯାଇଛି । ଏହି ନିର୍ବାଚନରେ ମୋଟ ତିନି ଜଣ ପ୍ରାର୍ଥିନୀ ପ୍ରତିଯୋଗିତା କରୁଥିବା ବେଳେ ପିଙ୍କି ଦାସ ସମସ୍ତଙ୍କୁ ବହୁ ପଛରେ ପକାଇ ସରପଞ୍ଚ ଭାବେ ବିଜୟୀ ହୋଇଛନ୍ତି । ଶ୍ରୀମତୀ ଦାସ ମୋଟ ୨୯୨୮ଖଣ୍ଡ ଭୋଟ ପାଇ ଥିବା ବେଳେ ତାଙ୍କର ନିକଟତମ ପ୍ରାର୍ଥୀନୀ ଶାନ୍ତିଲତା ବେହେରା ୧୮୮୦ ଖଣ୍ଡ ପାଇ ଥିଲେ ।

ଶ୍ରୀମତୀ ଦାଶ ଏକ ହଜାର ପଚାଶ ଖଣ୍ଡ ଭୋଟରେ ଶ୍ରୀମତୀ ବେହେରାଙ୍କୁ ପରାଜିତ କରିଛନ୍ତି । ଅନ୍ୟତମ ପ୍ରାର୍ଥୀନୀ ବାସନ୍ତୀ ଖଟୁଆ ଅଠର ଶହ ଚାଳିଶ ଖଣ୍ଡ ଭୋଟ ପାଇଥିବା ଜଣାପଡିଛି । ଏହା ସହ ସମସ୍ତ ୨୩ ଗୋଟି ୱାର୍ଡ ସଭ୍ୟସଭ୍ୟାଙ୍କ ନିର୍ବାଚନ ଫଳ ପ୍ରକାଶ ପାଇଛି । ମାତ୍ର ୧୯ ନମ୍ୱର୍ ୱାର୍ଡ ସଭ୍ୟା ପଦ ନିର୍ବାଚନ ଫଳକୁ ନେଇ ଅବୟନ୍ତି ଦାସ ଅସନ୍ତୋଷ ପ୍ରକାଶ କରିବା ସହ ତାଙ୍କ ସ୍ଵାମୀ ରମେଶ ଦାସ ବ୍ଲକ କାର୍ଯ୍ୟାଳୟ ସମ୍ମୁଖରେ ବିଳମ୍ବିତ ରାତ୍ର ପର୍ଯ୍ୟନ୍ତ ଧାରଣା ଦେଇଥିବା ଜଣାପଡିଛି ।