ଧାମରା-ଚାନ୍ଦବାଲି ମଧ୍ୟରେ ସ୍ଥଳଭାଗ ଛୁଇଁବ ‘ୟାଶ’

ଭୁବନେଶ୍ୱର(ବଡ଼ ଖବର ବ୍ୟୁରୋ): ମାଡ଼ି ଆସୁଛି ବାତ୍ୟା ୟାଶ । ଧାମରା-ଚାନ୍ଦବାଲି ମଧ୍ୟରେ ସ୍ଥଳଭାଗ ଛୁଇଁବ ‘ୟାଶ୍’ । ଧାମରାର ଅତି ନିକଟରେ ଯିବ ‘ୟାଶ୍’ । ଧାମରାରେ ଅଧିକ କ୍ଷୟକ୍ଷତି କରିବ ‘ୟାଶ’ । ଆଇଏମଡି ନିର୍ଦ୍ଦେଶକ ମୃତୁଞ୍ଜୟ ମହାପାତ୍ରଙ୍କ ସୂଚନା । ଉପକୂଳବର୍ତ୍ତୀ ଜିଲ୍ଲା ମାନଙ୍କରେ ବଢ଼ୁଛି ବର୍ଷା ଓ ପବନର ବେଗ । ଘଣ୍ଟା ପ୍ରତି ୧୨ କିଲୋମିଟର ବେଗରେ ମାଡ଼ି ଆସୁଛି ବାତ୍ୟା । ବାଲେଶ୍ୱର, ଭଦ୍ରକ, ଜଗତସିଂହପୁର, କେନ୍ଦ୍ରାପଡ଼ାରେ ପ୍ରବଳ ବର୍ଷା ଜାରି।

ପାରାଦ୍ୱୀପ ଠାରୁ ୩୬୦ କିମି ଦର ଓ ବାଲେଶ୍ୱର ଠାରୁ ୪୬୦ କିମି ଦୂରରେ ରହିଛି ବାତ୍ୟା ‘ୟାଶ୍’ । ବାତ୍ୟା ‘ୟାଶ୍’ ପ୍ରଭାବରେ ବିଭିନ୍ନ ସ୍ଥାନରେ ବର୍ଷା । ଲ୍ୟାଣ୍ଡଫଲ ବେଳେ ୧୫୫ରୁ ୧୬୫ କିମି ବେଗରେ ବହିବ ପବନ । ସେପଟେ ଭଦ୍ରକ ଜିଲ୍ଲା ପାଇଁ ଅଧିକ ୬ ଏନଡିଆରଏଫ ଟିମ୍ ଯୋଗାଇ ଦିଆଯାଇଛି । ପୂର୍ବରୁ ଆସିଥିଲେ ଏନଡିଆରଏଫ ୪ ଟିମ୍ । ମୁକାବିଲା ପାଇଁ ମୋଟ ୧୦ ଟିମ ପହଂଚିଲେ ।