ଆଜିଠୁ ପୁଣି ବଢିବ ଶୀତ

ଭୁବନେଶ୍ୱର (ବଡ଼ ଖବର ବ୍ୟୁରୋ: ) ଆଜିଠୁ ପୁଣି ରାଜ୍ୟରେ ବଢିବ ଶୀତ । ପାଣିପାଗ ବିଭାଗର ଆକଳନ ଅନୁଯାୟୀ ୨ରୁ ୪ଡିଗ୍ରୀ ବଢିପାରେ ପାରଦ । ବର୍ଷ ଆରମ୍ଭରୁ ପ୍ରବଳ ଘନ କୁହୁଡି ସାଥିରେ ଧରି ଫେରିଲା ଶୀତ । କୋଇଡାରେ ତାପମାତ୍ରା କମିବା ସହ ରାଜପଥରେ ରାଜୁତି କରୁଛି କୁହୁଡି । ସ୍ଥିତି ଏମିତି ହୋଇଛି ଯେ, ୫ ମିଟର ଆଗକୁ ଦୃଶ୍ୟମାନ ହେଉନି ରାସ୍ତା ।

ଘନ କୁହୁଡି ପାଇଁ ଗାଡ଼ି ଚଳାଚଳରେ ବାଧା ଉପୁଜିବା ସହ ଟେନସା ବାରସୁଆଁ ରାସ୍ତା ଏବଂ ୫୨୦ ନମ୍ବର ଜାତୀୟ ରାଜପଥ କୋଇଡାରୁ ରଜାମୁଣ୍ଡା ରାସ୍ତାରେ ଅଟକି ରହିଛି ଶହ ଶହ ଗାଡ଼ି । ଅନ୍ୟପଟେ ହାଡ ଭଙ୍ଗା ଜାଡ ଫେରିବା ପରେ ଖଣି ଅଞ୍ଚଳ କୋଇଡାରେ ଜନ ଜୀବନ ଅସ୍ତବ୍ୟସ୍ତ ହୋଇଛି ।