ବିୟର ପିଉଛନ୍ତି କି, ଖାଲିହେବ ପର୍ସ..ଆସ୍କା-୪୦ ବଢିଲା

ଭୁବନେଶ୍ୱର (ବଡ଼ ଖବର ବ୍ୟୁରୋ): ମଦୁଆଙ୍କ ମୁଣ୍ଡ ଗୋଲ । ପର୍ସ ଖାଲି କରି ମଦ କିଣୁଥିଲେ । ହେଲେ ରାଜ୍ୟ ଅବକାରୀ ବିଭାଗ ଏବେ ଟେନସନ ଦେଇଛି । କାରଣ ମଦର ଦାମ ଏବେ ବଢିଛି । କମ ଟଙ୍କାରେ ମଦୁଆଙ୍କୁ ମତୁଆଲା କରୁଥିବା ଆସ୍କା-୪୦ ଦାମ ଏବେ ଉପରମୁହାଁ । ଯେଉଁ ଆସ୍କା-୪୦ କାଚ ବୋତଲ ରେଟ ୬୦ ଟଙ୍କା ଥିଲା ଏବେ ତାହା ୭୦ ଟଙ୍କା କରି ଦେଇଛନ୍ତି ରାଜ୍ୟ ସରକାର । ଖାଲି ଯେ ଆସ୍କା-୪୦ର ଦର ବଢିଛି ତାହା ନୁହେଁ । ଝିମ୍ ଝିମ ନିଶା ଲାଗୁଥିବା ବିୟରର ଦାମ ମଧ୍ୟ ଏହାରି ଭିତରେ ବଢିଛି । ବିୟର ବୋତଲ ପିଛା ମଧ୍ୟ ୧୦ ଟଙ୍କା ବଢାଇ ଦିଆଯାଇଛି । ଡିସେମ୍ବର ୧ରୁ ବର୍ଦ୍ଧିତ ଦାମ ଲାଗୁ ନେଇ ସୂଚନା ଦେଇଛନ୍ତି ଅବକାରୀ ମନ୍ତ୍ରୀ । ରାଜ୍ୟସ୍ୱ କ୍ଷତିକୁ ଦେଖି ପ୍ରାଇସ୍ ପ୍ରିକ୍ସେସନ କମିଟି ରିପୋର୍ଟ ଆଧାରରେ ରେଟ୍ ବଢାଯାଇଥିବା କହିଛନ୍ତି ମନ୍ତ୍ରୀ ।