ଜୟରାମ ଗଢିବେ ଦଣ୍ଡକାରଣ୍ୟ ପର୍ବତମାଳା ବିକାଶ ପରିଷଦ
କୋରାପୁଟ(ବଡ଼ ଖବର ବ୍ୟୁରୋ ): ରାଜନୀତିରୁ ସନ୍ୟାସ ନେବେ କୋରାପୁଟର ପୂର୍ବତନ ସାଂସଦ ଜୟରାମ ପାଙ୍ଗୀ। ବିଜେପି ନେତା ଜୟରାମ ପାଙ୍ଗୀ ଦଳ ଛାଡ଼ିବାକୁ ନିସ୍ପତି ନେଇଛନ୍ତି। ଗଢିବେ ଦଣ୍ଡକାରଣ୍ୟ ପର୍ବତମାଳା ବିକାଶ ପରିଷଦ। ଦଣ୍ଡକାରଣ୍ୟ ଅଞ୍ଚଳକୁ ନେଇ ନୂଆ କେନ୍ଦ୍ରଶାସିତ ଅଞ୍ଚଳ ଗଠନ କରିବାକୁ ଉଦ୍ୟମ କରିବେ ବୋଲି ନିଷ୍ପତ୍ତି ନେଇଛନ୍ତି। ଆସନ୍ତା ୧୦ତାରିଖ ପୂର୍ବରୁ ସେ ଇସ୍ତଫା ଦେବେ ବୋଲି କହିଛନ୍ତି। ଦଣ୍ଡକାରଣ୍ୟ ବିକାଶ ପରିଷଦ ଭାବେ ନୂଆ ଅନୁଷ୍ଠାନ ଗଠନ କରାଯାଇଛି। ଅବିଭକ୍ତ କୋରାପୁଟ ଜିଲ୍ଲା, ଆନ୍ଧ୍ରର ବିଜୟନଗର ଓ ପାର୍ବତୀପୁରମ ଜିଲ୍ଲାର କିଛି ଅଂଶ ଏବଂ ଛତିଶଗଡ଼ର କିଛି ଅଂଶକୁ ନେଇ ନୂଆ କେନ୍ଦ୍ର ଶାସିତ ଅଞ୍ଚଳର ପରିକଳ୍ପନା କରିଛନ୍ତି ଜୟରାମ।
ସବୁକ୍ଷେତ୍ରରେ ଅବିଭକ୍ତ କୋରାପୁଟ ଜିଲ୍ଲା ସହ ଛତିଶଗଡ଼ ଓ ଆନ୍ଧ୍ରର କିଛି ଅଞ୍ଚଳ ପଛୁଆ ହୋଇରହିଛି। ଉଭୟ ରାଜ୍ୟ ଓ କେନ୍ଦ୍ରସରକାର ଯେଉଁଭଳି ଭାବେ ଏହି ଅଞ୍ଚଳକୁ ବିକାଶ କରିବା କଥା କରୁନାହାନ୍ତି। ତେଣୁ ଦଣ୍ଡକାରଣ୍ୟ ରାଜ୍ୟ ପ୍ରତିଷ୍ଠା ଦାବିକୁ ପୁଣିଥରେ ଶାଣିତ କରିବେ ଜୟରାମ। ଯଦି ପୂର୍ଣ୍ଣ ରାଜ୍ୟ ମାନ୍ୟତା ନମିଳେ, ତେବେ କେନ୍ଦ୍ରଶାସିତ ଅଞ୍ଚଳ କରିବାକୁ ଦାବି କରାବେ ବୋଲି କହିଛନ୍ତି ଜୟରାମ।ଜୟରାମଙ୍କ ନୂଆ କେନ୍ଦ୍ର ଶାସିତ ଅଞ୍ଚଳର ପରିକଳ୍ପନା ପାଇଁ ଗଢା ହେବ ଦଣ୍ଡକାରଣ୍ୟ ପର୍ବତମାଳା ବିକାଶ ପରିଷଦ। ଏ ଅଭିଯାନରେ ସ୍ବଇଚ୍ଛାରେ ସମସ୍ତଙ୍କୁ ସାମିଲ ହେବାକୁ ଆହ୍ବାନ ଦେଇଛନ୍ତି ଜୟରାମ।