ବିଲରୁ ବୃଦ୍ଧଙ୍କ ମୃତଦେହ ଉଦ୍ଧାର

ମାଥିଲି (ବଡ଼ ଖବର ବ୍ୟୁରୋ): ବିଲରୁ ବୃଦ୍ଧଙ୍କ ମୃତଦେହ ଉଦ୍ଧାର । ମାଲକାନଗିରି ଜିଲ୍ଲା ମାଥିଲି ଥାନା କର୍ତ୍ତନପାଲ୍ଲୀ ଫାଣ୍ଡି ଏଭଳି ଘଟଣ ଘଟିଛି । ଗତକାଲି ସକାଳୁ ସନା ମଦ ପିଇବାକୁ ନିକଟସ୍ଥ ବାରା ଗ୍ରାମକୁ ଯାଇଥିଲା । ଘରକୁ ଫେରିବା ବିଳମ୍ବ ହେବାରୁ ପରିବାର ଲୋକେ ବହୁ ଖୋଜାଖୋଜି କରି ପାଇ ନଥିଲେ। ସନ୍ଧ୍ୟାରେ ପରିବାର ଲୋକେ ବହୁ ଖୋଜାଖୋଜି କରିବା ପରେ ସନାର ମୃତ ଦେହ ଏକ ଜମିରେ ପଡିଥିବା ଦେଖିବାକୁ ପାଇଥିଲେ। ପରିବାର ଲୋକେ ଓ ଗ୍ରାମବାସୀ ଖବର ପାଇବା ପରେ ଘଟଣା ସ୍ଥଳରେ ପହଞ୍ଚିଥିଲେ।

ସନାର ଗୋଡ଼ରେ ଗଭୀତ କ୍ଷତ ଚିହ୍ନ ଦେଖିବା ପରେ ସନାର ସ୍ୱାଭାବିକ ମୃତ୍ୟୁ ହୋଇଛି ନା ତାକୁ କେହି ହତ୍ୟା କରିଛି ତାହା ଏବେ ସନ୍ଦେହ ଘେରରେ । ଗତକାଲି ବିଳମ୍ବିତ ରାତିରେ ସନାର ପୁଅ ସାନିଆ ମାଥିଲି ଥାନାରେ ଏକ ଯେ ମୋ ବାପାଙ୍କୁ କେହି ହତ୍ୟା କରି ଥିବା ଲିଖିତ ଅଭିଯୋଗ କରିଛନ୍ତି । ମାଥିଲି ଥାନା ଅଧିକାରିଣୀ ଦୀପାଞ୍ଜଳି ପ୍ରଧାନ ଲିଖିତ ଅଭିଯୋଗ ପାଇବା ପରେ ଏକ ମାମଲା ରୁଜୁ କରି ଅଧିକ ତଦନ୍ତ କରିବା ସହିତ ନବରଙ୍ଗପୁର ଠାରୁ ସାଇଣ୍ଟିଫିକ ଟିମ ଆସିବା ପରେ ତଦନ୍ତ ଆରମ୍ଭ ହେବ ବୋଲି ଆମକୁ ସୂଚନା ଦେଇଛନ୍ତି।