ଯୁବକଙ୍କ ଉନ୍ମତକାଣ୍ଡ, ହଠାତ ଆସିଲେ ଚଳନ୍ତା ବସର ଷ୍ଟିଅରିଂ ମୋଡି ଦେଲେ
ସୋରୋ(ବଡ଼ ଖବର ବ୍ୟୁରୋ): ସୋର ଥାନା ୧୬ ନମ୍ବର ଜାତୀୟ ରାଜପଥ ତଳନଗର ନିକଟରେ ବସ ମଧ୍ୟରେ ଜଣେ ବସ ଯାତ୍ରୀଙ୍କ ଉନ୍ମତକାଣ୍ଡ । ବସଟି ଦୁର୍ଘଟଣାଗ୍ରସ୍ତ ହୋଇ ଅଳ୍ପକେ ବର୍ତ୍ତିଛନ୍ତି ବସ ଯାତ୍ରୀ । ବାହାନଗା ବ୍ଲକ ବରିପଦା ଗ୍ରାମର ଜଣେ ଯୁବକ ବାଙ୍ଗାଲୋରରେ ରହି କାର୍ଯ୍ୟ କରନ୍ତି। ଯୁବକ ଜଣଙ୍କ ବାଙ୍ଗାଲୋରର ଫେରି ବାହାନଗାରେ ଓଲ୍ହାଇବା ପରେ ପଲକି ନାମକ ଏକ ଘରୋଇ ବସରେ ଚଢିଥିଲେ।
ତଳନଗର ନିକଟରେ ହଠାତ ଯୁବକ ଜଣଙ୍କ ଡ୍ରାଇଭର ନିକଟକୁ ଆସି ଷ୍ଟିୟରିଂ ମୋଡିଥିଲେ। ଫଳରେ ଗାଡିଟି ଡିଭାଇଡରକୁ ଧକା ଦେଇଥିଲା । ଡ୍ରାଇଭରଙ୍କ ଉପସ୍ଥିତ ବୁଦ୍ଧି ପାଇଁ ଏକ ବଡଧରଣର ଦୁର୍ଘଟଣାରୁ ଯାତ୍ରୀମାନେ ବର୍ତ୍ତି ଯାଇଥିଲେ। ଖବର ପାଇ ସୋର ପୁଲିସ ଘଟଣା ସ୍ଥଳରେ ପହଞ୍ଚି ଯୁବକଙ୍କୁ ଥାନାରେ ଅଟକ ରଖିଥିଲେ। ପରେ ପରିବାର ଲୋକେ ଥାନାରେ ପହଂଚି ଯୁବକଙ୍କୁ ଲିଖିତ ନାମରେ ଘରକୁ ନେଇଥିବା ଜଣାପଡିଛି ।