ବେଆଇନ ବନ୍ଧୁକ ତିଆରି କାରଖାନା ଠାବ

ପାଲଲହଡ଼ା (ବଡ଼ ଖବର ବ୍ୟୁରୋ): ବେଆଇନ ବନ୍ଧୁକ ତିଆରି କାରଖାନା ଠାବ, ଜଣେ ଗିରଫ । ଅନୁଗୁଳ ଜିଲ୍ଲା କଣିହାଁ ବ୍ଲକ୍ ରେଙ୍ଗାଳି ଥାନା ବେହେରାଭୂଇଁ ଗାଁରେ ଚାଲିଥିଲା ବେଆଇନ ଦେଶୀ ବନ୍ଧୁକ କାମ । ବିଶେଷ ସୂତ୍ରରୁ ଖବର ପାଇ କଣିହାଁ ପୋଲିସ୍ ଚଢ଼ାଉ କରି ବେହେରାଭୂଇଁ ଗ୍ରାମର ରାଜନ କିଶାନକୁ ଗିରଫ କରିଛି ।

କିଛି ଦିନ ପୂର୍ବରୁ ପାଲଲହଡ଼ା ବ୍ଲକର ଜାମ୍ବୁଆ ଗ୍ରାମ ଓ ସଲେଇ ଗ୍ରାମରେ ମଧ୍ୟ ପାଲଲହଡ଼ା ପୋଲିସ ଚଢ଼ାଉ କରି ଦେଶୀ ବନ୍ଧୁକ ସହ କିଛି ସରଞ୍ଜାମ ଜବତ କରି ସେଠାରୁ ଦୁଇଜଣଙ୍କୁ ଗିରଫ କରିଥିଲା । ତେବେ ପାଲଲହଡ଼ା ଓ କଣିହାଁରେ ଦେଶୀ ବନ୍ଧୁକ କାରଖାନାର ଚେର ଲମ୍ବିବାରେ ଲାଗିଛି । ପୋଲିସ ଏହାରି ଉପରେ ତଦନ୍ତ ଚଲାଇଛି । ବେଆଇନ କାରଖାନା ସବୁ ଠାବ କରିବାରେ ସଫଳ ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।