ଖୁବଶୀଘ୍ର ପିଓକେ ଆମର ହେବ

ଖୁବଶୀଘ୍ର ପିଓକେ ଆମର ହେବ, ସେଠାର ଲୋକେ ଭାରତ ଫେରିବେ । ଏଭଳି କହି ପୁଣି ପାକିସ୍ତାନକୁ ଟାର୍ଗେଟ କରିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ଯଦି ପାକିସ୍ତାନ ସହିତ ଆଲୋଚନା ହେବ ତାହେଲେ କେବଳ ଆତଙ୍କବାଦ ଓ ପିଓକେ ଉପରେ । ଦିନେ ପିଓକେ ନିଜେ କହିବ ଆମେ ଭାରତର ଏକ ଅଂଶ । ଯେପର୍ଯ୍ୟନ୍ତ ପିଓକେ ଫେରାଇ ନଆଣିଛୁ, ସେ ପର୍ଯ୍ୟନ୍ତ ଅଟକିବୁନି । ପ୍ରତ୍ୟେକ ଷଡଯନ୍ତ୍ରର ଉଚିତ ଜବାବ ଦିଆଯିବ ବୋଲି କହିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ।

ଆମେ ପ୍ରଥମେ ଆତଙ୍କବାଦୀ ଅଡ୍ଡା, ତା’ପରେ ଶତ୍ରୁର ସାମରିକ ଘାଟି ଏବଂ ବାୟୁସେନା ଘାଟି ଗୁଡିକୁ କିପରି ଧ୍ୱଂସ କରିଥିଲୁ ତାହା ପୁରା ବିଶ୍ୱ ଦେଖିଲା । ସେ ଆହୁରି ମଧ୍ୟ କହିଛନ୍ତି, ଭାରତୀୟ ସେନା ଏକ ଦକ୍ଷ ଡାକ୍ତର ଏବଂ ସର୍ଜନ ପରି କାମ କରିଥିଲା । ‘ଅପରେସନ୍ ସିନ୍ଦୁରରେ’ ସମଗ୍ର ଦେଶରେ ଲୋକମାନେ ମେକ୍ ଇନ୍ ଇଣ୍ଡିଆ ଅଭିଯାନର ସଫଳତା ଦେଖିଛନ୍ତି । ଆଜି ଏହା ପ୍ରମାଣିତ ହୋଇଛି ଯେ ମେକ୍ ଇନ୍ ଇଣ୍ଡିଆ ଭାରତର ସୁରକ୍ଷା ଏବଂ ସମୃଦ୍ଧି ଉଭୟ ପାଇଁ ଗୁରୁତ୍ୱପୂର୍ଣ୍ଣ ।