ସୁଧୁରିବାରେ ଲାଗିଛି ଭାରତ-ଚୀନ ସମ୍ପର୍କ

ଏସସିଓ ବୈଦେଶିକ ମନ୍ତ୍ରୀଙ୍କ ବୈଠକ ଅବସରରେ ଅନୁଷ୍ଠିତ ହୋଇଥିଲା ଏକ ସାକ୍ଷାତ । ବୈଦେଶିକ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କୁ ବେଜିଂରେ ଭେଟିଛନ୍ତି । ଜୟଶଙ୍କର ନିଜ ଏକ୍ସ ଏକାଉଣ୍ଟରେ ପୋଷ୍ଟ କରି କହିଛନ୍ତି ବେଜିଂରେ ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କୁ ଭେଟିଛନ୍ତି । ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ତରଫରୁ  ଜିନପିଙ୍ଗଙ୍କୁ ଜଣାଇଛନ୍ତି ଶୁଭେଚ୍ଛା ।

ଦୁଇଦେଶ ମଧ୍ୟରେ କିପରି ସମ୍ପର୍କର ସାମ୍ପ୍ରତିକ ବିକାଶ ହେବ ସେନେଇ ଚାଲିଥିଲା କଥାବାର୍ତ୍ତା ।  ଭାରତ ସହିତ ଦ୍ୱିପାକ୍ଷିକ ସମ୍ପର୍କରେ ଉନ୍ନତି ପାଇଁ  ଏସ୍ ଜୟଶଙ୍କର ଜିନପିଙ୍ଗଙ୍କୁ ପ୍ରଶଂସା କରିଛନ୍ତି । ଭାରତ ଓ ଚୀନ ମଧ୍ୟରେ ଦୀର୍ଘ ଦିନ ହେଲା ତିକ୍ତତା ଲାଗି ରହିଛି । ଏବେ ଦୁଇ ଦେଶର ସଂପର୍କ ସୁଦୃଢ ହେବ ବୋଲି ଆଶା କରିବା ।