ବୋଟ୍କୁ ଧକ୍କା ଦେଲା ଟ୍ରଲର, ବୁଡ଼ିଯିବା ଆଶଙ୍କା
ପାରାଦୀପ (ବଡ଼ ଖବର ବ୍ୟୁରୋ): ନେହେରୁ ବଙ୍ଗଳା ମାଛଧରା ବନ୍ଦରରେ ଅଘଟଣ। ମାଛଧରା ବେସ୍ ଭିତରେ ବୋଟ୍ ବୁଲାଇବା ବେଳେ ସିମେଣ୍ଟ କଂକ୍ରିଟ ରେ ପିଟି ହେଲା ବୋଟ୍ ର ତଳଭାଗ। ଟ୍ରଲରରେ ଫାଟ ସୃଷ୍ଟି ହୋଇ ଟ୍ରଲର ଭିତରକୁ ପଶୁଛି ପାଣି। ମାଛଧରା ବନ୍ଦରର ୪ନଂ ଜେଟିରେ ଘଟିଛି ଘଟଣା। ବୋଟରୁ ପାଣି କାଢ଼ି ଏହାକୁ ମରାମତି କରିବା ପାଇଁ ଚାଲିଛି ପ୍ରୟାସ।
ତେବେ ବୋଟଟି ମାଛ ଧରିବା ପାଇଁ ସମୁଦ୍ରକୁ ଯିବାକୁ ପ୍ରସ୍ତୁତ ହୋଇଥିଲା। ଏଥିରେ ବରଫ ଓ ଜାଲ ସହିତ ଅନ୍ୟାନ୍ୟ ସାମଗ୍ରୀ ଭର୍ତ୍ତି କରାଯାଇ ଜେଟ୍ଟିରୁ ବୋଟକୁ ବାହାର କରିବା ସମୟରେ ଘଟିଛି ଏଭଳି ଅଘଟଣ। ବୋଟରୁ ପାଣି ବାହାରକରିବା ପରେ ଏହାକୁ ଉପରକୁ ଅଣାଯାଇ ମରାମତି ପାଇଁ ପ୍ରୟାସ କରାଯାଉଥିବା ବେଳେ ଘଟଣାସ୍ଥଳରେ ମତ୍ସ୍ୟ ବିଭାଗର ଅଧିକାରୀ ପହଞ୍ଚି ବୋଟକୁ ମରାମତି କରିବା ପାଇଁ ସହାୟତା ଆରମ୍ଭ କରିଛି।