ବନ୍ଧୁକ ମୁନରେ ୩୫ ଲକ୍ଷ ଲୁଟ୍

ସମ୍ବଲପୁର: ସମ୍ବଲପୁର ଜିଲ୍ଲା କୁଚିଣ୍ଡା ଥାନା ଅନ୍ତର୍ଗତ ଲଇମୁରା ରାସ୍ତା କରଙ୍ଗାମାଳ ଜଙ୍ଗଲରେ ବନ୍ଧୁକ ମୁନରେ ଡକାୟତି ହୋଇଥିବା ଅଭିଯୋଗ ହୋଇଛି । ତିନୋଟି ବାଇକରେ ୬ ଲୁଟେରା ବନ୍ଧୁକ ମୁନରେ ୩୫ ଲକ୍ଷ ୪୧ ହଜାର ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି। ସୁଚନା ଅନୁସାରେ, ଏକ ବୋଲେରୋ ଗାଡିରେ ସମ୍ବଲପୁରରୁ ଲଇମୁରାକୁ ୟୁନିୟନ ବ୍ୟାଙ୍କକୁ ଟଙ୍କା ନେଇ ଯାଉଥିବା ବେଳେ ଏହି ଘଟଣା ଘଟିଥିବା ଜଣାଯାଇଛି। ଡକାୟତମାନେ ଲୁଟ କରି ସାରିବା ପରେ ଝାରସୁଗୁଡା ଆଡକୁ ଯାଇଥିବା ସନ୍ଦେହ କରାଯାଉଛି। ଡକାୟତ ମାନଙ୍କୁ ଧରିବା ପାଇଁ ପୋଲିସ ୩ଟି ଟିମ ଗଠନ କରିଥିବା ସୂଚନା ମିଳିଛି।