ଲାଲୁଙ୍କ ବଡ଼ ପୁଅଙ୍କ ସ୍ଥିତି ଜାଣନ୍ତୁ

ପାଟନା(ବଡ଼ ଖବର ବ୍ୟୁରୋ): ହାସନପୁର ବିଧାନସଭା ଆସନରୁ ଆଗରେ ଅଛନ୍ତି ଲାଲୁ ପ୍ରସାଦ ଯାଦବଙ୍କ ବଡ଼ ପୁଅ ତେଜ ପ୍ରତାପ ଯାଦବ । ସେ ଗତ ନିର୍ବାଚନରେ ମହୁଆ ବିଧାନସଭା ଆସନରୁ ବିଜୟ ହୋଇଥିଲେ । କିନ୍ତୁ ଚଳିତ ନିର୍ବାଚନରେ ସେ ହାସନପୁର ବିଧାନସଭା ଆସନରୁ ନିଜର ଭାଗ୍ୟ ପରୀକ୍ଷା କରୁଛନ୍ତି । ତେଜ ପ୍ରତାପଙ୍କୁ ଟକ୍କର ଦେଉଛନ୍ତି ଜେଡିୟୁର ରାଜ କୁମାର ରାୟ । ଜେଡିୟୁ ପ୍ରାର୍ଥୀଙ୍କୁ ୮୯୩୬ ଭୋଟରେ ପଛରେ ପକାଇ ଆଗରେ ଅଛନ୍ତି ତେଜ ପ୍ରତାପ । ହାସନପୁରରେ ସଂଖ୍ୟାଲଘୁ ଓ ଯାଦବଙ୍କ ଭୋଟ ଅଧିକ ରହିଛି । ତେଣୁ ଏଠାରେ ରାଜ କୁମାରଙ୍କୁ ଟକ୍କର ଦେବା ପାଇଁ ତେଜ ପ୍ରତାପ ଲଢିବାକୁ ନିଷ୍ପତି ନେଇଥିଲେ ।