ଅପରାଧିଙ୍କ ଘରେ ବୁଲିଲା ବୁଲଡୋଜର

ବଡ଼ବିଲ (ବଡ଼ ଖବର ବ୍ୟୁରୋ): ବଡ଼ବିଲରେ ପୁଣି ବୁଲିଲା ମୋହନଙ୍କ ବୁଲଡୋଜର, ମାଟିରେ ମିଶିଲା ୩ ଅଭିଯୁକ୍ତଙ୍କ ଘର । ସରକାରୀ ଜାଗାରେ ଘର କରି ଅପରାଧିକ କାର୍ଯ୍ୟକଳାପରେ ଲିପ୍ତ ରହିଲେ ଆଉ ନିସ୍ତାର ନାହିଁ । ବୁଲିବ ମୋହନଙ୍କ ବୁଲଡୋଜର । ବଡ଼ବିଲ ପୌରାଞ୍ଚଳର ୧ନଂ ୱାର୍ଡ ନାଲଦା ହୀରାକୁଦ କଲୋନୀର୍ ଏମ୍ ଡି ରୋହିତ୍ ଙ୍କ ନାଁ ରେ ୬ଟି ଅପରାଧିକ ମାମଲା ରହିଥିବା ବେଳେ ସରକାରୀ ଜାଗାରେ ଘର କରି ରହୁଥିଲେ । ସେହିପରି ୱାର୍ଡ ନଂ ୯ ବରକତ୍ ନଗର ଅଞ୍ଚଳରେ ଏମ୍ ଡି ତୋଫିକ୍ ଙ୍କ ନାଁରେ ୫ଟି ଅପରାଧିକ ମାମଲା ରହିଛି । ସେ ସରକାରୀ ଜମିକୁ ଜବରଦଖଲ କରି ଘର କରିଥିଲେ ।

ଆଉ ଜଣେ ଏମ୍ ଡି ସାକିର୍ ହୁସେନଙ୍କ ନାମରେ ଗୋଟିଏ ଅପରାଧିକ ମାମଲା ରହିଥିବାବେଳେ ସେ ମଧ୍ୟ ସରକାରୀ ଜମି ଅନଧିକୃତ ଭାବରେ ଘର କରିଥିଲେ । ଆଜି ଏହି ୩ ଜଣଙ୍କ ଘରକୁ ମାଟିରେ ମିଶାଇ ଦିଆଯାଇଛି । ଏହି ଜବରଦଖଲ ଉଚ୍ଛେଦ ଅଭିଯାନରେ ବଡ଼ବିଲ ତହସିଲଦାର ତଥା ଏଜିକ୍ୟୁଟିଭ୍ ମାଜିଷ୍ଟ୍ରେଟ ରାକେଶ କୁମାର ପଣ୍ଡା, ବଡ଼ବିଲ ପୌର ନିର୍ବାହୀ ଅଧିକାରୀ ରମେଶ ଚନ୍ଦ୍ର ନାୟକ, ୩ ଜଣ ଥାନା ଆଇ ଆଇ ସି, ୨ ଜଣ ସବ୍ ଇନ୍ସପେକ୍ଟର ୩ ପ୍ଲାଟୁନ ଫୋର୍ସ ଏବଂ ଅନ୍ୟ ସରକାରୀ କର୍ମଚାରୀ ସାମିଲ ହୋଇଥିଲେ । ଗତ ନଭେମ୍ବର ମାସରେ ୪ ଅପରାଧୀଙ୍କ ଘରକୁ ମାଟିରେ ମିଶାଇ ଦେଇଥିଲାଦେଇଥିଲା ପ୍ରଶାସନ । ଆଗକୁ ଅପରାଧୀ ଏବଂ ଅସାମାଜିକ ତତ୍ତ୍ୱଙ୍କ ବିରୁଦ୍ଧରେ ଏହିଭଳି ଅଭିଯାନ ଜାରି ରହିବ ବୋଲି ବଡ଼ବିଲ ତହସିଲଦାର କହିଛନ୍ତି ।