ଫେରି ପାଇଲେ ୫୪ଟି ହଜିଯାଇଥିବା ଦାମୀ ଫୋନ୍

ଭୁବନେଶ୍ୱର (ବଡ଼ ଖବର ବ୍ୟୁରୋ): ଉମରକୋଟ ପୋଲିସର ବଡ ସଫଳତା । ମିଳିଲା ୫୪ଟି ହଜିଯାଇଥିବା ଦାମୀ ମୋବାଇଲ । ଆଶା ଛାଡି ଦେଇଥିଲେ ଲୋକେ । ସୂଚନା ଅନୁସାରେ, ନବରଙ୍ଗପୁର ଜିଲ୍ଲା ଉମରକୋଟ ପୋଲିସ ପକ୍ଷରୁ ପ୍ରାୟ ୫୪ଟି ହଜିଯାଇଥିବା ବିଭିନ୍ନ କମ୍ପାନୀର ଦାମୀ ମୋବାଇଲ ଫୋନ ଉଦ୍ଧାର କରାଯାଇଛି । ପରେ ଚୋରି ହୋଇଥିବା ମୋବାଇଲ ଫୋନ୍ ଗୁଡିକୁ ସମ୍ପୃକ୍ତ ମାଲିକମାନଙ୍କୁ ହସ୍ତାନ୍ତର କରି ଦିଆଯାଇଥିଲା । ଯାହାର ଅନୁମାନିକ ମୂଲ୍ୟ ପ୍ରାୟ ୫ଲକ୍ଷ ଟଙ୍କା ହେବ । ତେବେ ମୋବାଇଲ ଫୋନ ହଜିଯିବା ପରେ ତାହା ଆଉ କେବେ ଫେରିପାଇବେ ବୋଲି ଆଶା ଛାଡ଼ି ଦେଇଥିଲେ ଅନେକ ଲୋକ। କିନ୍ତୁ ଉମରକୋଟ ପୋଲିସର ନିରନ୍ତର ଉଦ୍ୟମ ଓ ବୈଷୟିକ ଜ୍ଞାନକୌଶଳ ବ୍ୟବହାର କରି ବିଭିନ୍ନ ସ୍ଥାନରୁ ପ୍ରାୟ ୫୪ଟି ହଜିଯାଇଥିବା ମୋବାଇଲ ଫୋନ ଉଦ୍ଧାର କରାଯାଇଥିଲା।

ପରବର୍ତ୍ତୀ ସମୟରେ ସଠିକ୍ ଯାଞ୍ଚ ପରେ ମୋବାଇଲଗୁଡ଼ିକୁ ଚିହ୍ନଟ କରାଯାଇ ସେଗୁଡ଼ିକର ପ୍ରକୃତ ମାଲିକଙ୍କୁ ଫେରାଇ ଦିଆଯାଇଛି। ଅନ୍ୟପକ୍ଷରେ, ହଜିଯାଇଥିବା ମୋବାଇଲ ଫୋନ୍ ଫେରିପାଇବା ପରେ ଉମରକୋଟ ପୋଲିସକୁ ଧନ୍ୟବାଦ ଜଣାଇଛନ୍ତି । ।