କାଲି ରାତିରୁ ଲିଙ୍ଗରାଜଙ୍କ ନୀତିକାନ୍ତି ବନ୍ଦ

ଭୁବନେଶ୍ୱର (ବଡ଼ ଖବର ବ୍ୟୁରୋ): ପୁଣି ଉପାସରେ ରହିଲେ ଶ୍ରୀଲିଙ୍ଗରାଜ । ଶ୍ରୀ ଲିଙ୍ଗରାଜଙ୍କ ନୀତିକାନ୍ତି ବନ୍ଦ । ପୂଜା କରି ନ ପାରି ନିରାଶ ଭକ୍ତ । ପୂଜା ପଣ୍ଡା ଓ ସୁଆର ସେବାୟତଙ୍କ ମଧ୍ୟରେ ବିବାଦ । ପ୍ରଭୁ ଲିଙ୍ଗରାଜଙ୍କ ପୀଠରେ ସେବାକୁ ନେଇ ପୂଜାପଣ୍ଡା ଓ ପତ୍ରି ସେବାୟତଙ୍କ ମଧ୍ୟରେ ବିବାଦ ଦେଖାଦେଇଛି। ଏହାକୁ ନେଇ ପୂଜାପଣ୍ଡା ସେବାୟତଙ୍କ ନୀତିକାନ୍ତି ବନ୍ଦ ରହିଛି। ବଡ଼ସିଂହାର ବେଶ ପରଠାରୁ ପୂଜାପଣ୍ଡା ସେବାୟତମାନେ ନୀତିକାନ୍ତିରୁ ବିରତ ରହିଥିବା ଜଣାପଡ଼ିଛି। ସେବାକୁ ନେଇ ଦୁଇ ସେବାୟତ ଗୋଷ୍ଠୀ ମଧ୍ୟରେ ବିବାଦ ଉପୁଜିଥିବା ବେଳେ ଏହାର ସମାଧାନ ପାଇଁ ମନ୍ଦିର ପ୍ରଶାସନ ଓ ସେବାୟତ ଗୋଷ୍ଠୀ ମଧ୍ୟରେ ଆଜି ଦିନ ୧୦ଟାରେ ବୈଠକ ବସିବ। ନୀତିକାନ୍ତି ବନ୍ଦ ଓ ଆଜିର ବୈଠକ ସମ୍ପର୍କରେ ସଚ୍ଚି ପୂଜାପଣ୍ଡା ସୂଚନା ଦେଇଛନ୍ତି। ବୈଠକରେ ଆଲୋଚନା ପରେ ବିବାଦର ସମାଧାନ ହେବା ନେଇ ଆଶା ରହିଛି।