କାଠ ମାଫିଆଙ୍କ କବ୍ଜାରେ କୁଳଡିହା ଅଭୟାରଣ୍ୟ,ସୁରକ୍ଷା ନେଇ ଉଠିଲା ପ୍ରଶ୍ନ

ଭୁବନେଶ୍ୱର (ବଡ଼ ଖବର ବ୍ୟୁରୋ): କାଠ ମାଫିଆଙ୍କ କବ୍ଜାରେ କୁଳଡିହା ଅଭୟାରଣ୍ୟ । ଉଜୁଡିବାକୁ ବସିଛି ସବୁଜିମା । ସୁରକ୍ଷା ନେଇ ଉଠିଲା ପ୍ରଶ୍ନ । କୁଳଡିହା ଜଙ୍ଗଲରେ ହେଉଛି ବେଆଇନ କାଠ କଟା । ବନ ବିଭାଗକୁ ଖୋଲା ଚ୍ୟାଲେଞ୍ଜ ଦେଉଛନ୍ତି ମାଫିଆ । ନୀଳଗିରି କୁଳଡିହା ଜଙ୍ଗଲରେ ଚାଲିଛି ବେଧଡକ କାଠ ଚୋରା ଚାଲାଣ । ସବୁଜିମା ଜଙ୍ଗଲରେ ଭରା ୨୭୨.୭୫ ବର୍ଗକିମି ପରିବ୍ୟାପ୍ତ କୁଳଡିହା ଅଭୟାରଣ୍ୟ । ଯେଉଁଥିରେ ବିଭିନ୍ନ ପ୍ରକାର ଜଙ୍ଗଲୀ ଜନ୍ତୁଙ୍କ ଉପସ୍ଥିତି ସହିତ ବୋହୂ ମୂଲ୍ୟବାନ ଗଛ ଦେଖିବାକୁ ମିଳେ। ଆଜି ସେହି ଅଭ୍ୟାରଣ୍ୟକୁ ସତେ ଯେମିତି ଲାଗିଯାଇଛି କାହା ନଜର । ଶାଳ ପିଆଶାଳ ଭଳି ବୋହୂ ଦାମୀ ଗଛ କାଟି ନେଇଛନ୍ତି କାଠ ମାଫିଆ । ସବୁଠାରୁ ଆଶ୍ଚର୍ୟ୍ୟର କଥା ଏହି ସବୁ ଗଛ ବାଲିଆନାଳ ବିଟ ଅଧୀନରେ ମାତ୍ର ୧ କିମି ମଧ୍ୟରେ କଟା ହେଉଛି ।

ମାସେ ଦୁଇ ମାସ ଭିତରେ ଗୁଡିଏ ଗଛ ଏହି ବାଲିଆନାଳ ବିଟ ଅଧୀନରେ କଟାଯାଇଛି । ବନ ବିଭାଗ କିଛି କାଠ ଜବତ କରିଛି ହେଲେ କିଛିଦିନ ପୂର୍ବରୁ ନଟାପଡା ଏବଂ ବେତକଟାରେ ଯେଉଁ ଗଛ ଗୁଡିକ କଟା ହୋଇଥିଲା ତା ଭିତରେ ନଟାପଡାରେ କଟା ହୋଇଥିବା ଗଛଗୁଡ଼ିକର ମୂଳର ମୋଟେଇ ସହିତ ସିଜ୍ ହୋଇଥିବା କାଠର ମୋଟେଇ ମ୍ୟାଚ ହେଉ ନାହିଁ । ହେଲେ ବନବିଭାଗ ଗଛ ଗୁଡିକ ସିଜ୍ କରିଛି କହି ବାଃ ବାଃ ନେଇଛି ।

ତେବେ ମିଛ କହୁଥିବା ବନ ଅଧିକାରୀ ମାନଙ୍କ ବିରୋଧରେ କେବେ ହେବ କାର୍ୟ୍ୟାନୁଷ୍ଠାନ ଦାବି ହେଉଛି । ଉଚ୍ଚସ୍ତରୀୟ ତଦନ୍ତ ହେଲେ ସତ ପଦାକୁ ଆସନ୍ତା ବୋଲି ଅଞ୍ଚଳବାସୀ ଆଶା ରଖିଛନ୍ତି । କାଠ ଚୋରାଚାଲାଣ, ବେଆଇନ୍ ଗଛକଟା ଓ ବନ୍ୟଜନ୍ତୁ ଶିକାର ନେଇ ବାରମ୍ବାର ଅଭିଯୋଗ ହେଉଥିଲେ ମଧ୍ୟ କିଛି ସୁଫଳ ମିଳୁନାହିଁ । ତେବେ ପ୍ରକୃତରେ କୁଳଡିହା ଜଙ୍ଗଲର ସ୍ଥିତି କଣ? କିଏ କାଟୁଛି ଜଙ୍ଗଲର ମୂଲ୍ୟବାନ ଗଛ? କିଏ କରୁଛି ବନ୍ୟଜନ୍ତୁ ଶିକାର? ଏହାକୁ ରୋକିବା ପାଇଁ କେତେ ପ୍ରସ୍ତୁତ ବନ ବିଭାଗ ଦେଖିବାକୁ ବାକି ରହିଲା

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 କାଲି ବିଧାନସଭା, ଆଜି ବସିଲା ସର୍ବଦଳୀୟ ବୈଠକ 🔴 ଭୁବନେଶ୍ୱରରେ ବିଗିଡିଲା ବାୟୁର ମାନ 🔴 ଦିଲ୍ଲୀରେ ବିଷାକ୍ତ ହେଲା ବାୟୁ 🔴 ଭୂକମ୍ପରେ ଥରିଲା ଜାପାନ 🔴 ଭୂକମ୍ପରେ ଥରିଲା ଜାପାନ 🔴 ଦୀପାବଳୀ ପରେ ବଢିବ ଶୀତ 🔴 ବାତ୍ୟା ଓ ବନ୍ୟାରେ ପ୍ରଭାବିତ ଗଞ୍ଜାମ ଲୋକଙ୍କ ପାଇଁ ସହାୟତା ଲୋଡ଼ିଲେ ଜିଲ୍ଲାପାଳ 🔴 ଦୁର୍ନୀତି ବିରୋଧରେ କଠୋର ହେଲେ ରାଜସ୍ଵ ଓ ବିପର୍ଯ୍ୟୟ ପରିଚାଳନା ବିଭାଗର ଏସିଏସ 🔴 ୪୬ ଦିନ ପରେ ଖୋଲିଲା କଳିଙ୍ଗା ଘାଟି 🔴 ଦୀପାବଳି ପାଳିବେନି ମୁଖ୍ୟମନ୍ତ୍ରୀ 🔴 କାଲି ବିଧାନସଭା, ଆଜି ବସିଲା ସର୍ବଦଳୀୟ ବୈଠକ 🔴 ଭୁବନେଶ୍ୱରରେ ବିଗିଡିଲା ବାୟୁର ମାନ 🔴 ଦିଲ୍ଲୀରେ ବିଷାକ୍ତ ହେଲା ବାୟୁ 🔴 ଭୂକମ୍ପରେ ଥରିଲା ଜାପାନ 🔴 ଭୂକମ୍ପରେ ଥରିଲା ଜାପାନ 🔴 ଦୀପାବଳୀ ପରେ ବଢିବ ଶୀତ 🔴 ବାତ୍ୟା ଓ ବନ୍ୟାରେ ପ୍ରଭାବିତ ଗଞ୍ଜାମ ଲୋକଙ୍କ ପାଇଁ ସହାୟତା ଲୋଡ଼ିଲେ ଜିଲ୍ଲାପାଳ 🔴 ଦୁର୍ନୀତି ବିରୋଧରେ କଠୋର ହେଲେ ରାଜସ୍ଵ ଓ ବିପର୍ଯ୍ୟୟ ପରିଚାଳନା ବିଭାଗର ଏସିଏସ 🔴 ୪୬ ଦିନ ପରେ ଖୋଲିଲା କଳିଙ୍ଗା ଘାଟି 🔴 ଦୀପାବଳି ପାଳିବେନି ମୁଖ୍ୟମନ୍ତ୍ରୀ