ଉଭାନ ହୋଇଗଲା ପ୍ରଧାନମନ୍ତ୍ରୀ ଆବାସ ଗୃହ

ରାଇଘର (ବଡ଼ ଖବର ବ୍ୟୁରୋ): ଗରିବ ହିତାଧିକାରୀଙ୍କ ଆବାସ ଗୃହ ଉଭାନ । କାଗଜ କଲମ ଓ ବ୍ଲକ୍ କାର୍ୟ୍ୟାଳୟର ଦସ୍ତାବିଜ୍ କହୁଛି ଘର ପାଇ ସାରିଛନ୍ତି। କିନ୍ତୁ ହିତାଧିକାରୀ ରହୁଛନ୍ତି ଭଙ୍ଗା ଦଦରା ଘରେ । ଏମିତି ଏକ କରୁଣ ସ୍ଥିତି ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ରାଇଘର ବ୍ଲକର ଗୋନା ପଞ୍ଚାୟତରେ । ପ୍ରଧାନମନ୍ତ୍ରୀ ଆବାସ ଯୋଜନାରେ ବଡ ଘୋଟଲା । ଅନଲାଇନରେ ହିତାଧିକାରୀଙ୍କ ଆବାସ ଯୋଜନରେ ଘର ପାଇଥିବା ଜଣାପଡ଼ିଛି । କାଗଜ କଲମ ଘର ସରିଛି ଓ ହିତାଧିକାରୀ ଘର ପାଇଥିବା ଦେଖ।।ଉଛି । କିନ୍ତୁ ହିତାଧିକାରୀ ବର୍ତ୍ତମାନ ଭଙ୍ଗା ଦୋଡରା ଘରେ ଜୀବନ ଅତିବାହିତ କରୁଛନ୍ତି । ରାଇଘର ବ୍ଲକ ର ଖରକାରପାରା ଗାଁରେ ଗୌରୀବାଇ ନାୟକ ବିଧବା ଝିଅ ଓ ନାତି ଭଙ୍ଗା ଦଦରା ଘରେ ଦିନ କାଟୁଛନ୍ତି । ସରକାର ଙ୍କ ଯୋଜନା ଏଠି ସାତ ସପନ ପାଲଟି ଥିବା ବେଳେ ଭଗବାନ ଭରସା ରେ ଏହି ଗରିବ ଦୁଃଖୀ ପରିବାର ଗୌରୀ ବାଇ ନାୟକ ପାଇଁ ଆସିଥିବା ଘର କୁଆଡେ ଗଲା ତାହାର ସନ୍ଧାନ କରିବା କଷ୍ଟସାଧ୍ୟ ହୋଇ ପଡିଛି, ଏମିତି କି ସ୍ଥାନୀୟ ସରପଞ୍ଚ ମଧ୍ୟଏହି ବିଷୟରେ କିଛି ଜାଣିନାହାନ୍ତି । ସବୁଠୁ ବଡ ପ୍ରଶ୍ନବାଚୀ ହେଲା ଭୁଲ୍ ରହିଲା କୋଉଠି । ଏତେ ବଡ଼ ଘୋଟଲା ରେ କିଏ ସମ୍ପୃକ୍ତ ରହିଛନ୍ତି ତାହାର ତଦନ୍ତ ନିହାତି ଅଵଶକ୍ୟ ।