ଗୋଣ୍ଡା(ବଡ଼ ଖବର ବ୍ୟୁରୋ): ମଙ୍ଗଳବାର ଉତ୍ତର ପ୍ରଦେଶ ଗୋଣ୍ଡା ଜିଲ୍ଲାରେ ଘଟିଛି ରନ୍ଧନ ଗ୍ୟାସ ସିଲିଣ୍ଡର ବିସ୍ଫୋରଣ । ଏଥିରେ ୪ଜଣ ପିଲାଙ୍କ ସହ ୮ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ସେହିପରି ୭ଜଣ ଆହତ ହୋଇଛନ୍ତି । ଏହି ବିସ୍ଫୋରଣ ୱାଜିରଗଞ୍ଜ ଅଞ୍ଚଳ ଅନ୍ତର୍ଗତ ଟିକ୍ରି ଗ୍ରାମରେ ଘଟିଛି । ତେବେ ଏହି ବିସ୍ଫୋରଣ ହେତୁ ପାଖରେ ଥିବା ଅନ୍ୟ ଦୁଇଟି ଘର ମଧ୍ୟ ଭୁଶୁଡ଼ି ପଡ଼ିଛି ।
ରୋଷେଇ କରୁଥିବା ସମୟରେ ସିଲିଣ୍ଡର ବିସ୍ଫୋରଣ ଘଟିଥିବା ସୂଚନା ମିଳିଛି । ତେବେ ବିସ୍ଫୋରଣରେ ଭୁଶୁଡ଼ି ପଡ଼ିଥିବା ଘରଗୁଡ଼ିକର ଛାତତଳେ ପ୍ରାୟ ୧୪ଜଣ ଲୋକ ଚାପି ହୋଇ ରହିଯାଇଥିଲେ । ୪ଜଣ ମହିଳା ୪ଜଣ ପିଲାଙ୍କ ଶବ ଉଦ୍ଧାର କରିଛି ପୋଲିସ । ଆହତ ହୋଇଥିବା ୭ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
