ସାଲେପୁର(ବଡ଼ ଖବର ବ୍ୟୁରୋ):ସାଲେପୁରରେ ଅଭାବନୀୟ ଘଟଣା ।କଟକ ଜିଲ୍ଲା ସାଲେପୁର ବ୍ଳକରେ ବିଜେଡି -ବିଜେଡି ସମର୍ଥକଙ୍କ ମଧ୍ୟରେ ଗାନ୍ଧୀଜୟନ୍ତୀ ପଦଯାତ୍ରାକୁ ନେଇ ଦେଖାଦେଇଛି ଉତ୍ତେଜନା। ସାହେଶ୍ୱରୀ ନିକଟରୁ ଏକ ପଦଯାତ୍ରାରେ ଯୁବନେତା ହିମାଂଶୁ ମହାନ୍ତିଙ୍କ ନେତୃତ୍ୱରେ ଏକ ପଦଯାତ୍ରାରେ ନିଜର ସମର୍ଥକଙ୍କ ସହ ସାଲେପୁର ବଜାରେରେ ଥିବା ବିଜୁବାବୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବାକୁ ଯିବା ସମୟରେ ବିଧାୟକ ପ୍ରଶାନ୍ତ ବେହେରାଙ୍କ ସମର୍ଥକମାନେ ତୀବ୍ରବିରୋଧ କରିଥିଲେ। ଯାହାକୁ ନେଇ ଉତ୍ତେଜନା ଦେଖାଦେଇଥିଲା।ହିମାଂଶୁ ମହାନ୍ତିଙ୍କ ଗୋଷ୍ଠୀ କଟକ ଚାନ୍ଦବାଲି ରାସ୍ତାର ସାଲେପୁର ବଜାରରେ ରାସ୍ତାରୋକ କରିଛନ୍ତି। ଘଟଣାସ୍ଥଳରେ ପୋଲିସ ମୃତୟନ ଥିବାବେଳେ ଉତ୍ତେଜନା ଲାଗି ରହିଛି। ବିଜୁପଟ୍ଟନାୟକଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣକୁ ନେଇ ହିମାଂଶୁ ଓ ବିଧାୟକ ପ୍ରଶାନ୍ତ ବେହେରାଙ୍କ ଗୋଷ୍ଠୀମଧ୍ୟରେ ତୀଵ୍ରବିରୋଧ ଲାଗି ରହିଛି।
