ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ଦାବିରେ ପଦଯାତ୍ରା

ନିମାପଡ଼ା(ବଡ଼ ଖବର ବ୍ୟୁରୋ): ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ଦାବି କରି ଗତ ୨୦୧୯ମସିହା ଜୁଲାଇ ୧୦ ତାରିଖରୁ ଯାଜପୁର ବଡ଼ଚଣାରୁ ବାହାରିଥିବା ଜଗତସିଂହପୁର ବାଲିକୁଦା ବ୍ଳକର ସତ୍ୟବ୍ରତ ଦାସ ଆଜି ନିମାପଡ଼ାରେ ପହଂଚିଛନ୍ତି । ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ଦାବି ନେଇ ୩୧୪ ବ୍ଲକ ପରିକ୍ରମା କରିବାକୁ ଯୋଜନା ରଖିଥିବା ବେଳେ ସେ ଆଜି ପର୍ଯ୍ୟନ୍ତ ୩୦୩ ବ୍ଲକରେ ପହଂଚି ଦାବିପତ୍ର ଦେଇଥିବା ସତ୍ୟବ୍ରତ କହିଛନ୍ତି । ସେ ୫୫୦ ଦିନରେ ୯୪୧୦ କିଲୋମିଟର ବାଟ ପଦଯାତ୍ରା କରି ଆଜି ଅପରାହ୍ନରେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏକ ଦାବିପତ୍ର ନିମାପଡ଼ା ବିଡ଼ିଓ ମନୋଜ କୁମାର ବେହେରାଙ୍କୁ ପ୍ରଦାନ କରିଛନ୍ତି । ଯେ ପର୍ଯ୍ୟନ୍ତ ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ନ ମିଳିଛି ସେ ପର୍ଯ୍ୟନ୍ତ ସଂଘର୍ଷ ଯାରିରଖିବେ ବୋଲି କହିଛନ୍ତି ।