ଆଜି ହେବକି ମଉଡମଣିଙ୍କ ଶ୍ରୀମୁଖ ଶୃଙ୍ଗାର

ପୁରୀ(ବଡ଼ ଖବର ବ୍ୟୁରୋ): ତୁଟୁନି ଶ୍ରୀମନ୍ଦିର ପ୍ରଶାସନ ଏବଂ ଦତ୍ତମହାପାତ୍ର ସେବକଙ୍କ ମଧ୍ୟରେ ଲାଗି ରହିଥିବା ବିବାଦ । ବିବାଦ ପାଇଁ ବୁଧବାର ହୋଇପାରିଲା ନାହିଁ ଶ୍ରୀଜିଉଙ୍କ ବନକଲାଗି । ଶ୍ରୀମନ୍ଦିର ପ୍ରଶାସନ ପକ୍ଷରୁ ବୁଧବାର ବନକଲାଗି କରିବାକୁ ନିର୍ଦ୍ଦେଶ ଜାରି ରହିଥିବାବେଳେ ଦତ୍ତମହାପାତ୍ର ନିଯୋଗ ଗୁରୁବାର ଅର୍ଥାତ ଆଜି ବନକଲାଗି କରିବାକୁ ଅଡି ବସିଛନ୍ତିି । ଅନ୍ୟପଟେ ବୁଧବାର ବନକଲାଗି କରିନଥିବାରୁ ଶ୍ରୀମନ୍ଦିର ପ୍ରଶାସନ ଦତ୍ତମହାପାତ୍ର ସେବକଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପକିୟା ଆରମ୍ଭ କରିଛି । ଅନ୍ୟପଟେ ଯଦି ଦତ୍ତମହାପାତ୍ର ସେବକ ବନକଲାଗି ନକରନ୍ତି ତେବେ ଶୁଦ୍ଦ ସୁଆରଙ୍କ ଜରିଆରେ ବନକଲାଗି କରାଯିବ ବୋଲି ଶ୍ରୀମନ୍ଦିର ମୁଖ୍ୟ ପ୍ରଶାସକ ରଞ୍ଜନ କୁମାର ଦାସ କହିଥିଲେ । ପ୍ରତିବର୍ଷ ନୀଳାଦ୍ରୀବିଜେର ସାତ ଆଠ ଦିନ ଭିତରେ ବନକଲାଗି କରାଯାଏ କିନ୍ତୁ ଚଳିତ ବର୍ଷ ନୀଳାଦ୍ରୀ ବିଜେ ଶେଷ ହେବାର ୨୬ ଦିନ ବିତିଯାଇଥିଲେ ମଧ୍ୟ ଏଯାଏଁ ହୋଇପାରୁନି ବନକଲାଗି ନୀତି ।