ବସ୍‌କୁ ଧକ୍କା ଦେଲା ଟ୍ରକ୍‌, ୧୦ ଗୁରୁତର

ବଣାଇ (ବଡ଼ ଖବର ବ୍ୟୁରୋ): ସୁନ୍ଦରଗଡ଼ ଜିଲ୍ଲା ଟିକାୟତପାଲି ଥାନାର ଜାତୀୟ ରାଜପଥ ୧୪୩ ର ଯାତ୍ରାଖମଣ ନିକଟରେ ଟ୍ରକ ବସ ଦୁର୍ଘଟଣା । ବସ ରେ ଥିବା ପ୍ରାୟ ୧୦ ଜଣ ଯାତ୍ରୀ ଗୁରୁତର । ବସରେ ୩୦ରୁ ଉର୍ଦ୍ଧ ଯାତ୍ରୀ ଥିଲେ । ଆହତଙ୍କୁ ବଣାଇ ଓ ରାଉରକେଲାରେ ଚିକିତ୍ସା ପାଇଁ ପଠାଯାଇ ଥିବା ଜଣାପଡିଛି ।

ଅନୁପମା ନାମକ ନାଇଟ୍ ବସ ଭୁବନେଶ୍ୱରରୁ ରାଉରକେଲା ଯାଉଥିବା ବେଳେ ଟ୍ରକ ଟି ଦ୍ରୁତ ଗତିରେ ଆସି ବସକୁ ପିଟି ଥିଲା । ଏହି ଘଟଣା ରାତ୍ରି ପ୍ରାୟ ତିନିଟା ବେଳକୁ ହୋଇଥିବା ଜଣାପଡ଼ିଛି । ଘଟଣାସ୍ଥଳରେ ପୋଲିସ ପହଂଚି ଆହତ ଓ ଗୁରୁତରଙ୍କୁ ରାଉରକେଲା ଏବଂ ବଣାଇକୁ ପଠାଇ ଅଧିକ ତଦନ୍ତ ଚଳାଇଛି ।