ଭିଜିଲାନ୍ସ ଜାଲରେ ଅତିରିକ୍ତ ଯୋଗାଣ ଅଧିକାରୀ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଭିଜିଲାନ୍ସ ଜାଲରେ ଅତିରିକ୍ତ ଯୋଗାଣ ଅଧିକାରୀ । କେନ୍ଦ୍ରାପଡ଼ା ଅତିରିକ୍ତ ଯୋଗାଣ ଅଧିକାରୀଙ୍କ ଘରେ ଭିଜିଲାନ୍ସ । ଅତିରିକ୍ତ ଯୋଗାଣ ଅଧିକାରୀ ପ୍ରଦୀପ ମହାପାତ୍ରଙ୍କ ଘରେ ରେଡ୍ । କଟକ, ଭୁବନେଶ୍ୱର ଓ କେନ୍ଦ୍ରାପଡ଼ା ସମେତ ୫ଟି ସ୍ଥାନରେ ଚଢ଼ାଉ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ଚଢ଼ାଉ ଚାଲିଛି । ଚଢାଉରେ ୪ ଡିଏସପି, ୧ ଏଷ୍ଟ କମାଣ୍ଡାଣ୍ଟ, ୫ ଇନ୍ସପେକ୍ଟର ଏବଂ ଅନ୍ୟାନ୍ୟ ସହାୟକ କର୍ମଚାରୀଙ୍କ ନେତୃତ୍ୱରେ ଏକକାଳୀନ ଚଢାଉ ଜାରି ରହିଛି । ସ୍ୱତନ୍ତ୍ର ବିଚାରପତି, ଭିଜିଲାନ୍ସ, କଟକଙ୍କ ନିର୍ଦ୍ଦେଶକ୍ରମେ ଭୁବନେଶ୍ୱର ଏବଂ କେନ୍ଦ୍ରାପଡା ସହ ଅନେକ ସ୍ଥାନରେ ଚଢାଉ ଚାଲିଛି ।

ସୂଚନାଥାଉକି, ଅତିରିକ୍ତ ଯୋଗାଣ ଅଧିକାରୀ ପ୍ରଦୀପ କୁମାର ମହାପାତ୍ରଙ୍କ କଟକ ନୂଆପଡ଼ା ଥିବା ପୈତୃକ ବାସଭବନ, ମଧୁପାଟଣା କଲ୍ୟାଣୀ ନଗରରେ ଥିବା ଘର, ଏବଂ ସମ୍ପର୍କୀୟ ଘର ସମେତ ଭୁବନେଶ୍ବର ଲିଙ୍ଗୀପୁର ଅଞ୍ଚଳରେ ଦୁଇ ମହଲା କୋଠା ଏବଂ କେନ୍ଦ୍ରପଡ଼ା ସିଏସଓ ଅଫିସରେ ଚଢ଼ାଉ କରିଛି ଭିଜିଲାନ୍ସ ଟିମ୍। ଚଢ଼ାଉ ବେଳେ ବହୁ ଗୁରୁତ୍ବପୂର୍ଣ୍ଣ କାଗଜ ଜବତ ହୋଇଥିବା ଜଣାପଡିଛି।