‘ଆଦିପୁରୁଷ୍’ ଅନେକ ଲୋକଙ୍କ ଭାବନାକୁ ଆଘାତ କରିଛି, ମୁଁ ହାତ ଯୋଡି କ୍ଷମା ମାଗୁଛି’
ମୁମ୍ବାଇ (ବଡ଼ ଖବର ବ୍ୟୁରୋ): ଚଳଚ୍ଚିତ୍ର ‘ଆଦିପୁରୁଷ୍’ ତାର ଡାଇଲଗକୁ ନେଇ ଟ୍ରୋଲ୍ ହେବା ପରେ ମନୋଜ ମୁଂତସିର ଏନେଇ କ୍ଷମା ପାର୍ଥନା କରିଛନ୍ତି । ସେ ଟୁଇଟ୍ କରି ସାଧୁ-ସନ୍ଥ ଓ ପ୍ରଭୁ ଶ୍ରୀରାମଙ୍କ ଭକ୍ତମାନଙ୍କ ଭାବନାକୁ ଆଘାତ ଦେଇଥିବାରୁ କ୍ଷମା ମାଗିଛନ୍ତି । ଫିଲ୍ମ ‘ଆଦିପୁରୁଷ୍’ ରିଲିଜ୍ ହେବା ଦିନରୁ ହିିଁ ବିବାଦ ଘେରରେ ଅଛି । ଫିଲ୍ମର ଡାଇଲଗ ଗୁଡିକୁ ଦର୍ଶକମାନେ ରିଜେକ୍ଟ କରିଦେଇଥିଲେ । ଡାଇଲଗ୍କୁ ନେଇ ଖୁବ୍ ଆଲୋଚନା କରାଯାଇଥିଲା । ଏନେଇ ଫିଲ୍ମ ରାଇଟର୍ ମନୋଜ ମୁଂତସିରଙ୍କୁ ମଧ୍ୟ ଟ୍ରୋଲ୍ର ଶିକାର ହେବାକୁ ପଡିଥିଲା । ଅତ୍ୟଧିକ ଟ୍ରୋଲିଂ ପରେ ମନୋଜଙ୍କୁ ବାଧ୍ୟ ହୋଇ କ୍ଷମା ମାଗିବାକୁ ପଡିଥିଲା । ସେ ତାଙ୍କ ଟୁଇଟରେ କହିଥିଲେ ଯେ “ମୁଁ ସ୍ୱୀକାର କରୁଛି ଯେ ଫିଲ୍ମ୍ ‘ଆଦିପୁରୁଷ୍’ ଦ୍ୱାରା ଅନେକ ଲୋକଙ୍କ ଭାବନାକୁ ଆଘାତ ହୋଇଛି ।
मैं स्वीकार करता हूँ कि फ़िल्म आदिपुरुष से जन भावनायें आहत हुईं हैं.
अपने सभी भाइयों-बहनों, बड़ों, पूज्य साधु-संतों और श्री राम के भक्तों से, मैं हाथ जोड़ कर, बिना शर्त क्षमा माँगता हूँ.
भगवान बजरंग बली हम सब पर कृपा करें, हमें एक और अटूट रहकर अपने पवित्र सनातन और महान देश की…— Manoj Muntashir Shukla (@manojmuntashir) July 8, 2023
ମୋର ସମସ୍ତ ଭାଇ-ଭଉଣୀ, ଗୁରୁଜନ, ପୂଜ୍ୟ ସାଧୁ-ସନ୍ତ ଏବଂ ଶ୍ରୀ ରାମଙ୍କ ଭକ୍ତ ମାନଙ୍କୁ , ମୁଁ ହାତ ଯୋଡି କ୍ଷମା ମାଗୁଛି । ଭଗବାନ ବଜରଙ୍ଗବାଲୀ ଆମ ସମସ୍ତଙ୍କ ଉପରେ କୃପା କରନ୍ତୁ । ଆମକୁ ଏକ ଓ ଅଟୁଟ ରହି ନିଜ ପବିତ୍ର ସନାତନ ଏବଂ ମହାନ ଦେଶର ସେବା କରିବା ପାଇଁ ଶକ୍ତି ଦିଅନ୍ତୁ” । ଫିଲ୍ମର ରିଲିଜ୍ ହେବା ପୂର୍ବରୁ ଦର୍ଶକମାନଙ୍କ ମଧ୍ୟରେ ଅତ୍ୟନ୍ତ ଉତ୍ସାହ ଦେଖିବାକୁ ମିଳିଥିଲା । ଫିଲ୍ମର ଦମଦାର ଆଡଭାନ୍ସ ବୁକିଂ ମଧ୍ୟ ହୋଇସାରିଥିଲା । ଅଭିନେତା ପ୍ରଭାସ ଓ ଅଭିନେତ୍ରୀ କ୍ରୀତିଙ୍କ ଏହି ଫିଲ୍ମଟି ଧମାକେଦାର ଓପନିଙ୍ଗ୍ ମଧ୍ୟ କରିଥିଲା ।
ମାତ୍ର ଫିଲ୍ମଟି ଦେଖିବା ପରେ ଦର୍ଶକମାଙ୍କୁ କେବଳ ନିରାଶା ହିଁ ପ୍ରାପ୍ତ ହେଲା । ଚଳଚ୍ଚିତ୍ରର ଡାଇଲଗ୍କୁ ନେଇ ଦର୍ଶକମାନେ ଅଶନ୍ତୁଷ୍ଟ ହୋଇଥିଲେ । ଦର୍ଶକମାନଙ୍କ କହିବାନୁସାରେ ମନୋଜ ମୁଂତସିର ଫିଲ୍ମର ଡାଇଲଗ୍ ଗୁଡିକୁ ରାମାୟଣ ଅନୁସାରେ ନୁହେଁ, ବରଂ ଆଜିର କଥାବାର୍ତ୍ତା ଅନୁସାରେ ଲେଖିଛନ୍ତି । ଡାଇଲଗ୍ ଗୁଡିକୁ ନେଇ ମନୋଜଙ୍କ ଉପରେ ଲୋକମାନଙ୍କ ରାଗ ଏବେ ପର୍ଯ୍ୟନ୍ତ ଶାନ୍ତ ହୋଇନାହିଁ । ଟ୍ରୋଲିଙ୍ଗ୍ ପରେ ଲେଖକଙ୍କୁ ଅନେକ ଥର ସଫାଇ ଦେବାକୁ ପଡିଥିଲେ ମଧ୍ୟ ଏବେ ତାଙ୍କୁ କ୍ଷମା ମାଗିବାକୁ ପଡିଲା ।