ପିପିଲି (ବଡ଼ ଖବର ବ୍ୟୁରୋ): ପିପିଲି ସରକାରୀ ଡାକ୍ତରଖାନାକୁ ସଚଳ କରିବା ଦାବିରେ ତିନିଦିନ ଧରି ସ୍ଥାନୀୟ ବାସିନ୍ଦା ଓ କିଛି ସ୍ୱେଚ୍ଛାସେବୀ ସଂଗଠନ ଅନଶନରେ ବସିଥିଲେ । ପରେ ପିପିଲି ବ୍ଲକ ପ୍ରକଳ୍ପ ସ୍ୱାସ୍ଥ୍ୟ ଅଧିକାରୀ, ତହସିଲଦାର ଓ ପିପିଲି ଏସଡିପିଓ ହସ୍ପିଟାଲକୁ ସଚଳ କରିବା ପାଇଁ ଆନ୍ଦୋଳନକାରୀଙ୍କୁ ଦେଇଥିଲେ ପ୍ରତିଶ୍ରୁତି । ୨୪ ଘଣ୍ଟା ମଧ୍ୟରେ ଦୁଇଜଣ ସ୍ଥାୟୀ ଡାକ୍ତରଙ୍କୁ ନିଯୁକ୍ତି ଦିଆଯିବ ବୋଲି ଦେଇଥିବା ପ୍ରତିଶ୍ରୁତି ପ୍ରତିଶ୍ରୁତିରେ ରହିଗଲା ବୋଲି ଅଞ୍ଚଳବାସୀ କହୁଛନ୍ତି ।
ପ୍ରଶାସନ ଦେଇଥିବା ପ୍ରତିଶ୍ରୁତିକୁ ତିନିଦିନ ବିତିଗଲାଣି । ନୂଆ ଡାକ୍ତର ଯୋଗଦେଇ ନାହାନ୍ତି । ବର୍ତ୍ତମାନ ସ୍ଥାନୀୟ ବାସିନ୍ଦାଙ୍କ ମନରେ ଅନେକ ପ୍ରଶ୍ନ ଉଙ୍କି ମାରୁଛି । କ’ଣ ପାଇଁ ଜିଲ୍ଲା ପ୍ରଶାସନ ପିପିଲିକୁ ଆଡଦୃଷ୍ଟିରେ ଦେଖୁଛି । ସ୍ଥାନୀୟ ପ୍ରଶାସନ ଦେଇଥିବା ପ୍ରତିଶ୍ରୁତି କ’ଣ ପାଣିର ଗାର କି ବୋଲି ଲୋକେ ପ୍ରଶ୍ନ କରୁଛନ୍ତି ।
