କୂଟନୈତିକ ସହଯୋଗ ଅଭାବ ଦର୍ଶାଇ ଭାରତରେ ନିଜ ଦୂତାବାସ ବନ୍ଦ କଲା ଆଫଗାନିସ୍ତାନ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତରେ ନିଜ ଦୂତାବାସ ବନ୍ଦ କଲା ଆଫଗାନିସ୍ତାନ ।ଦିଲ୍ଲୀ ସ୍ଥିତ ଦୂତାବାସ ବନ୍ଦ ନେଇ ଆଫଗାନିସ୍ତାନର ଘୋଷଣା । ବନ୍ଦ ପାଇଁ ୨ଟି ପ୍ରମୁଖ କାରଣ ଦର୍ଶାଇଛି ଦୂତାବାସ । ବନ୍ଦ ନିଷ୍ପତ୍ତିକୁ ଅତ୍ୟନ୍ତ ଦୁଃଖଦ ଓ ନିରାଶଜନକ କହି ପ୍ରେସ୍ରିଲିଜ୍ । ପ୍ରେସ୍ରିଲିଜ୍ରେ ତାଲିବାନୀ ଶାସନକୁ ଦାୟୀ କରିଛି ଦୂତାବାସ । ଆତିଥ୍ୟତା ଦେଇଥିବା ସରକାରଙ୍କ (ଭାରତ)ସହଯୋଗ ଅଭାବ ଏବଂ ଆଶାନୁରୂପେ ଆଫଗାନିସ୍ତାନର ସ୍ବାର୍ଥ ରକ୍ଷା କରିବାରେ ବିଫଳ ହୋଇଥିବାରୁ ଏଭଳି ନିଷ୍ପତ୍ତି ନିଆଯାଇଥିବା କଥା ଦର୍ଶାଯାଇ ବିବୃତିରେ କୁହାଯାଇଛି ଯେ, ଆତିଥ୍ୟତା ଦେଇଥିବା ସରକାରଙ୍କଠାରୁ ଗୁରୁତ୍ବପୂର୍ଣ୍ଣ କାର୍ଯ୍ୟଗୁଡ଼ିକରେ ସହଯୋଗ ନ ମିଳିବା ଫଳରେ ଫଳପ୍ରଦ କାର୍ଯ୍ୟ ନିର୍ବାହରେ ବାଧା ଉପୁଜିଲା। ଅବଶ୍ୟ କାବୁଲରେ ଏକ ବୈଧ ସରକାରର ଅନୁପସ୍ଥିତି ମଧ୍ୟ ଏଥିପାଇଁ ଦାୟୀ। ୨୦୨୧ରେ ଭାରତ ମଧ୍ୟ ଆଫଗାନିସ୍ତାନରେ ନିଜ ଦୂତାବାସ ବନ୍ଦ କରିଥିଲା ।