‘ମୋତେ ଯେକୌଣସି ଦାୟିତ୍ୱ ଦିଆଯିବ, ମୁଁ ତାହାକୁ ସମ୍ପୂର୍ଣ୍ଣ କରିବାକୁ ଚେଷ୍ଟା କରିବି’

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଇସ୍ତଫା ଦେବେ ଏନସିପି ନେତା ତଥା ଶରଦ ପାୱାରଙ୍କ ପୁତୁରା ଅଜିତ ପାୱାର । ମହାରାଷ୍ଟ୍ର ବିଧାନସଭାର ବିରୋଧୀ ଦଳର ନେତା ପଦରୁ ଇସ୍ତଫା ଦେବାକୁ ସେ ଇଚ୍ଛା ପ୍ରକାଶ କରିଛନ୍ତି। ବାରାମତି ବିଧାନସଭାର ବିଧାୟକ ଅଜିତ କହିଛନ୍ତି ଦଳ ପାଇଁ ସେ କାର୍ଯ୍ୟ କରିବେ । ତାଙ୍କୁ ଯାହା ଦାୟିତ୍ୱ ଦିଆଯାଇଛି ତାହା ପୂରଣ କରିବେ।

ଅଜିତ ପାୱାର ମୁମ୍ବାଇର ଏକ କାର୍ଯ୍ୟକ୍ରମରେ କହିଛନ୍ତି ସେ ବିରୋଧୀ ଦଳର ନେତା ଭାବରେ କାର୍ଯ୍ୟ କରିବାକୁ ଆଗ୍ରହୀ ନୁହନ୍ତି। କିନ୍ତୁ ସେ ଦଳର ବିଧାୟକଙ୍କ ଦାବିରେ ଏହି ଭୂମିକା ଗ୍ରହଣ କରିଛନ୍ତି। ସେମାନଙ୍କ ଦାବି ଉପରେ ଏନସିପି ନେତୃତ୍ୱ ନିଷ୍ପତ୍ତି ନେବେ। ସେ ଆହୁରି ମଧ୍ୟ କହିଛନ୍ତି ମୋତେ ଯେକୌଣସି ଦାୟିତ୍ୱ ଦିଆଯିବ, ମୁଁ ତାହାକୁ ସମ୍ପୂର୍ଣ୍ଣ କରିବାକୁ ଚେଷ୍ଟା କରିବି।