ବିଦ୍ୟାଳୟରୁ ତାଲା ଭାଙ୍ଗି ଲୁଟ୍

ନରସିଂହପୁର (ବଡ଼ ଖବର ବ୍ୟୁରୋ): ବିଦ୍ୟାଳୟରୁ ତାଲା ଭାଙ୍ଗି ଲୁଟ୍ । କଟକ ଜିଲ୍ଲା ନରସିଂହପୁର ଥାନା ଅନ୍ତର୍ଗତ ଦନ୍ତାରିଆ ସରକାରୀ ପ୍ରାଥମିକ ବିଦ୍ୟାଳୟରୁ ବିଳମ୍ଭିତ ରାତିରେ ପିଲାଙ୍କ ମଧ୍ୟାହ୍ନ ଭୋଜନ ପାଇଁ ରହିଥିବା ଚାଉଳ ଚୋରି ହୋଇଥିବା ଅଭିଯୋଗ ହୋଇଛି । ତେବେ ସୂଚନା ମୁତାବକ ବିଳମ୍ବିତ ରାତିରେ କେହି ଦୃର୍ବୁତ୍ତ ବିଦ୍ୟାଳୟର ତାଲା ଭାଙ୍ଗି ପ୍ରବେଶ କରି କିଛି ଚାଉଳ ଓ କାଗଜ ପତ୍ର ଚିରି ଦେଇଛି ।

ତେବେ କେଉଁ ସାମଗ୍ରୀ କେତେ ପରିମାଣରେ ଚୋରି ହୋଇଛି ତାହା ସଠିକ ଭାବେ ଜଣା ପଡ଼ିନଥିଲା ବେଳେ ସ୍କୁଲ ତରଫରୁ ନରସିଂହପୁର ଥାନରେ ଅଭିଯୋଗ ହୋଇଛି । ନରସିଂହପୁର ଅଞ୍ଚଳର ବିଭିନ୍ନ ସ୍କୁଲରୁ ଚୋରି ଲଗାତାର ଭାବରେ ହେଉଥିଲେ ମଧ୍ୟ ସ୍ଥାୟୀ ସୁରକ୍ଷା ଦେବାରେ ବିଫଳ ହୋଇଛି ପ୍ରଶାସନ ।