‘ଟ୍ୱିଟରରେ ଏଡିଟ ବଟନ ଦିଅ’
ମୁମ୍ବାଇ (ବଡ଼ ଖବର ବ୍ୟୁରୋ): ‘ଟ୍ୱିଟରରେ ଏଡିଟ ବଟନ ଦିଅ, ଭୁଲ ହେଲେ ଲୋକେ ହସୁଛନ୍ତି । ଏଲୋନ ମସ୍କଙ୍କୁ ନିବେଦନ କଲେ ବିଗ ବି ଅମିତାଭ ବଚ୍ଚନ । ବଲିଉଡ ଷ୍ଟାର ଅମିତାଭ ବଚ୍ଚନ ସୋସିଆଲ ମିଡ଼ିଆରେ ସବୁବେଳେ ଆକ୍ଟିଭ ରୁହନ୍ତି । ସେ ବିଭିନ୍ନ ପ୍ରସଙ୍ଗରେ ନିଜର ମତ ରଖିଥାନ୍ତି । ସେ ସବୁବେଳେ ନିଜ ବ୍ଲଗକୁ ସୋସିଆଲ ମିଡ଼ିରେ ସେୟାର କରନ୍ତି । ବେଳେବେଳ ବ୍ଲଗ ପୋଷ୍ଟ କଲାବେଳେ କିଛିଟା ମିଷ୍ଟେକ ରହିଯାଏ । ଯେଉଁଥି ପାଇଁ ସେ ଟ୍ରୋଲର ଶିକାର ମଧ୍ୟ ହୁଅନ୍ତି ।
ତେଣୁ ଏଥିରୁ ବର୍ତ୍ତିବା ପାଇଁ ସେ ଏଲନ ମସ୍କଙ୍କୁ ଟ୍ୱିଟ କରି ଏଡ଼ିଟ ବଟନ ମାଗିଛନ୍ତି । ସେ ଟ୍ୱିଟ କରି କହିଛନ୍ତି ଦୟା କରି ଟ୍ୱିଟରରେ ଏକ ଏଡ଼ିଟ ବଟନ ରଖନ୍ତୁ । ଯେତେବେଳେ କିଛି ଭୁଲ ହୁଏ , ଫ୍ୟାନ୍ସମାନେ ଟ୍ୱିଟକୁ ଡିଲିଟ କରିବା ପାଇଁ କୁହନ୍ତି । ଭୁଲକୁ ଠିକ କରିବା ପରେ ଏହାକୁ ଆଉ ଥରେ ପୋଷ୍ଟ କରିବାକୁ ପଡ଼ିଥାଏ । ଏହାସହ ବଚ୍ଚନ ହାତ ଯୋଡା ହୋଇଥିବା ଏକ ଇମୋଜି ପୋଷ୍ଟ କରିଛନ୍ତି ।