ଏଏନଏମ କର୍ମୀଙ୍କୁ ଉଠାଇନେଲା ପୋଲିସ

ଭୁବନେଶ୍ୱର (ବଡ଼ ଖବର): ଗାନ୍ଧୀ ମାର୍ଗରୁ ଏଏନଏମ କର୍ମୀଙ୍କୁ ଉଠାଇନେଲା ପୋଲିସ । ସାଧାରଣତନ୍ତ୍ର ଦିବସ ପାଇଁ ଭୁବନେଶ୍ୱର ଗାନ୍ଧୀ ମାର୍ଗରେ ଦୀର୍ଘ ୨ ମାସ ହେବ ଆନ୍ଦୋଳନ କରୁଥିବା ଏଏନଏମ କର୍ମୀଙ୍କୁ ଆଜି ସକାଳେ ପୋଲିସ ଉଠାଇ ନେଇଛି । ଏହାସହିତ ଏଏନଏମ କର୍ମୀମାନେ ଚେତାବନୀ ଦେଇଛନ୍ତି, ଆମେ ଆନ୍ଦୋଳନରୁ ହଟିବୁନି । ଆଗକୁ ଆହୁରି ଆନ୍ଦୋଳନ ଜୋରଦାର କରିବୁ । ଜାନୁଆରୀ ୨୬କୁ ସମ୍ମାନ ଦେଇ ଉଠିଲୁ, କିନ୍ତୁ ପୁଣି ଥରେ ଆମେ ଆନ୍ଦୋଳନରେ ବସିବୁ ବୋଲି ଚେତାବନୀ ଦେଇଛନ୍ତି । ପ୍ରାୟ ଦୁଇ ମାସ ଧରି ଏହି ଏଏନଏମ କର୍ମୀମାନେ ଆନ୍ଦୋଳନରେ ବସିଥିଲେ । ଆଜି ସକାଳୁ ସକାଳୁ ପୋଲିସ ସେମାନଙ୍କୁ ଧାରଣାସ୍ଥଳରୁ ଉଠାଇନେବା ସମୟରେ ଏଏନଏମ କର୍ମୀ ଓ ପୋଲିସଙ୍କ ମଧ୍ୟରେ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା ।