ଭୁବନେଶ୍ଵର(ବଡ଼ ଖବର ବ୍ୟୁରୋ ): ଏସିଏଫ ସୌମ୍ୟ ମୃତ୍ୟୁ ମାମଲା ଏବେ କୋର୍ଟରେ ପହଁଚିଛି । ଘଟଣାର ସିବିଆଇ ତଦନ୍ତ ଦାବିରେ କୋର୍ଟ ଯାଇଛି ଭାରତୀୟ ବିକାଶ ପରିଷଦ । ସେପଟେ ଆଜିବି ମିଳିଛି ଆଉ ଏକ କମଳା ରଙ୍କର ଚିଠି । ଯେଉଁଥିରେ କେବଳ ଘୃଣା ଭରି ରହିଛି । ଏସବୁ ଭିତରେ ଦିନକୁ ଦିନ ସୌମ୍ୟ ମୃତ୍ୟୁ ମାମଲା ଗୋଳିଆ ହେବାରେ ଲାଗିଛି ।
ସୌମ୍ୟଙ୍କୁ ମାରିଦେଲେ । ମିଳିମିଶି ମାରିଦେଲେ । କିଛି ଏମିତି ଅଭିଯୋଗ କରି ହାଇକୋର୍ଟ ଯାଇଛି ଭାରୀୟ ବିକାଶ ପରିଷଦ । ଏସିଏଫ ସୌମ୍ୟରଞ୍ଜନ ମୃତ୍ୟୁ ମାମଲାରେ ନୂଆ ମୋଡ ଆସିଛି । ସୌମ୍ୟଙ୍କୁ ମର୍ଡର କରାଯାଇଛି ଓ ଏହି ଘଟଣାର ସିବିଆଇ ତଦନ୍ତ ଦାବି କରିଛି ଭାରତୀୟ ବିକାଶ ପରିଷଦ । ଏନେଇ ପରିଷଦ ପକ୍ଷରୁ ହାଇକୋର୍ଟରେ ଦାୟର ହୋଇଛି ଜନସ୍ୱାର୍ଥ ମାମଲା । ଭାରତୀୟ ବିକାଶ ପରିଷଦ ପକ୍ଷରୁ ହାଇକୋର୍ଟରେ ଦ୍ଵାରା ହୋଇଥିବା ଏହି ମାମଲାରେ କେନ୍ଦ୍ର ଗୃହ ସଚିବ, ରାଜ୍ୟ ମୁଖ୍ୟ ଶାସନ ସଚିବ, ପୋଲିସ ଡିଜି, ଗଜପତି ସହ ପାରଳାଖେମୁଣ୍ଡି ଥାନା ଅଧିକାରୀଙ୍କୁ ପକ୍ଷଭୁକ୍ତ କରାଯାଇଛି । ଏହି ମାମଲାର ନିରେପକ୍ଷ ତଦନ୍ତ ପାଇଁ ଏହାକୁ ସିବିଆଇକୁ ହସ୍ତାନ୍ତର କରିବାକୁ କୋର୍ଟଙ୍କୁ ନିବଦେନ କରାଯାଇଛି ।
ସେପଟେ ସାମ୍ନାକୁ ଆସିଛି ଆଉ ଏକ ଚିଠି । କମଳା ରଙ୍ଗର ଏହି ଚିଠିରେ ନିଜ ହେଲପଲେସ ଲାଇଫ ବିଷୟରେ ଅନେକ କଥା ଲେଖିଛନ୍ତି ବିଦ୍ୟାଭାରତୀ । ଚିଠିରେ ବିଦ୍ୟାଭାରତୀ ଲେଖିଛନ୍ତି କି ଜୀବରେ କେବେ ନା କେବେ ସୁଖ ଆସିବ । ଯେତେ କଷ୍ଟ ଆସୁ କମ୍ପଲେନ କରିବା ବନ୍ଦ କରିଦେ । ଯେତେ କଷ୍ଟ ଅଛି ସବୁ ତତେ ହିଁ ଭୋଗିବାକୁ ପଡିବ । ମାଇଁ ଫ୍ୟୁଚର ଇନ ଡାର୍କ । ସବୁ ଚିଠିଭଳି ଏ ଚିଠିରେ ମଧ୍ୟ ଭରି ରହିଛି ଘୃଣା ଆଉ ଘୃଣା । ମନ ଭିତରେ ଥିବା ଅବଶୋସ, ବେଦନା ଓ ପ୍ରତିହିଂସାର ଛାପ ଲେଖାରୁ ସ୍ପଷ୍ଟ ବାରିହୋଇ ପଡୁଛି ।
ଏସିଏଫ ସୌମ୍ୟରଞ୍ଜନ ମହାପାତ୍ର ମୃତ୍ୟୁ ମାମଲାରେ ପ୍ରତିଦିନ ଯୋଡି ହେଉଛି ନୂଆ ନୂଆ ଫର୍ଦ୍ଦ । ଗୋଟିଏ ପଟେ ଚିଠି ସଂଖ୍ୟ ବଢୁଛି ଅନ୍ୟପଟେ ଚିଠିରେ ଥିବା ନାଁକୁ ନେଇ ସନ୍ଦେହ ଅଧିକ ଘନିଭୂତ ହେଉଛି । ଏସବୁ ଭିତରେ ବିଦ୍ୟାଭାରତୀଙ୍କ ନିରବତା ଅନେକ ଅସମାହିତ ପ୍ରଶ୍ନ ଆଡକୁ ଅଙ୍ଗୁଳି ଦେଖାଉଛି ।
