ଧରାପଡ଼ିଲା ଆଉ ଜଣେ ପାକିସ୍ତାନୀ ISI ଗୁପ୍ତଚର

ଭୁବନେଶ୍ୱର (ବଡ଼ ଖବର ବ୍ୟୁରୋ): ପାକିସ୍ତାନ ପାଇଁ ଗୁଇନ୍ଦାଗିରି କରୁଥିବା ଅଭିଯୋଗରେ ଆଉ ଜଣେ ଗିରଫ । ୟୁପି ରାମପୁରର ବ୍ୟବସାୟୀ ସହଜାଦ ଗିରଫକୁ ଗିରଫ କରିଛି ୟୁପି ATS  । ସୀମା ପାର ଚୋରାଚାଲଣା ଓ ଗୁଇନ୍ଦାଗିରି କରୁଥିବା ଅଭିଯୋଗ ହୋଇଛି । ଅନେକ ଥର ପାକିସ୍ତାନ ଯାଇଥିଲା ଗିରଫ ଅଭିଯୁକ୍ତ ସହଜାଦ । ପାକିସ୍ତାନରୁ କପଡ଼ା, ମସଲା ଚୋରାଚାଲାଣ କରୁଥିଲା । ପାକିସ୍ତାନରେ ବ୍ୟବସାୟ ନାଁରେ ଆଇଏସଆଇ ସହ ଲିଙ୍କରେ ଥିଲା ।

ସେପଟେ ପାକିସ୍ତାନୀ ଗୁପ୍ତଚର ଜ୍ୟୋତି ମଲହୋତ୍ରାଙ୍କ ସହ ପ୍ରିୟଙ୍କା ସେନାପତିଙ୍କ ସଂପର୍କକୁ ନେଇ ତନାଘନା କରୁଛି ପୁଲିସ । ଜ୍ୟୋତିଙ୍କ ସହ ସଂପର୍କକୁ ନେଇ ବିବାଦ ତେଜିବା ପରେ ନିଜ ଇନଷ୍ଟାଗ୍ରାମ ଆକାଉଣ୍ଟକୁ ଲକ୍ କରିଛନ୍ତି ପ୍ରିୟଙ୍କା । ଜ୍ୟୋତି ଗିରଫ ହେବା ପରେ ସୋସିଆଲ ମିଡିଆରେ ପୋଷ୍ଟ କରି ସେ ଲେଖିଥିଲେ ଦେଶ ତାଙ୍କ ପାଇଁ ପ୍ରଥମ ।

ସେ ଜ୍ୟୋତିଙ୍କୁ କେବଳ ବ୍ଲଗର ଭାବେ ଜାଣିଥିଲେ । ଜ୍ୟୋତି ଜଣେ ପାକ୍ ଗୁପ୍ତଚର ବୋଲି ଜାଣିଥିଲେ ତାଙ୍କ ସହ କେବେ ବି ବନ୍ଧୁତା କରିନଥାନ୍ତେ । ଯେକୌଣସି ତଦନ୍ତକାରୀ ସଂସ୍ଥାକୁ ସେ ତଦନ୍ତରେ ସହଯୋଗ କରିବାକୁ ପ୍ରସ୍ତୁତ ବୋଲି ପୋଷ୍ଟ କରି ଲେଖିଥିଲେ । ଜ୍ୟୋତିଙ୍କ ଭଳି ପ୍ରିୟଙ୍କା ମଧ୍ୟ ପାକିସ୍ତାନ ଯାଇ ଅନେକ ଭିଡିଓ ସୋସିଆଲ ମିଡିଆରେ ସେୟାର କରିଛନ୍ତି ।