ଦାଦାର ଠେଙ୍ଗା ମାଡ଼ରେ ପୁତୁରା ମୃତ
ଅନୁଗୁଳ (ବଡ଼ ଖବର ବ୍ୟୁରୋ): ଦାଦାର ଠେଙ୍ଗା ମାଡ଼ରେ ପୁତୁରାର ମୃତ୍ୟୁ ଘଟିଥିବା ଅଭିଯୋଗ ହୋଇଛି। ଅନୁଗୁଳ ବନ୍ତଳା ଥାନା ଅନ୍ତର୍ଗତ ବଡ଼ କଞ୍ଜିନି ଗ୍ରାମର ପ୍ରଦୀପ ଦାସଙ୍କ ପୁଅ ସୁଦର୍ଶନ ଦାସ ଗତକାଲି ରାତିରେ ଦାଦା ବସନ୍ତ ଦାସଙ୍କ ପାଇଁ ଖାଇବା ନେଇ ଯାଉଥିଲେ । ଦାଦା ମାନସିକ ରୋଗରେ ଥିବା ବେଳେ ସେ ଘରକୁ ନ ଆସି ଗାଁ ପାଖ ମସାଣି ଘରେ ରହୁଥିଲେ । ପ୍ରତେକ ଦିନ ତାଙ୍କ ପାଇଁ ଘରୁ ଖାଇବା ନେଇ ପୁତୁରା ଯାଆନ୍ତି ।
ପୁତୁରା ଘରକୁ ନ ଫେରିବାରୁ ସୁଦର୍ଶନଙ୍କ ସ୍ତ୍ରୀ ସକାଳେ ଖୋଜିବାକୁ ଯାଇଥିବା ବେଳେ ସୁଦର୍ଶନଙ୍କ ମୃତ ଦେହ ପଡ଼ିଥିବା ଦେଖିବାକୁ ମିଳିଥିଲା । ପରେ ଘର ଲୋକଙ୍କୁ ଖବର ଦେଇଥିଲେ । ଘଟଣା ସ୍ଥଳରେ ଘରଲୋକେ ଓ ଗାଁ ଲୋକମାନେ ପହଞ୍ଚି ବନ୍ତଳା ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଥିବା ଜଣାପଡିଛି। ଗାଁ ଲୋକମାନେ ଦାଦାକୁ ଅଟକ ରଖି ପୋଲିସ ଜିମାରେ ଦେଇଛନ୍ତି।