ଲୋକଙ୍କ କଥା ଶୁଣିଲେ ଅପରାଜିତା

ଜଟଣୀ (ବଡ଼ ଖବର ବ୍ୟୁରୋ): ଭୁବନେଶ୍ୱର ସାଂସଦ ତଥା ରାଷ୍ଟ୍ରୀୟ ପ୍ରବକ୍ତା ଅପରାଜିତା ଷଡ଼ଙ୍ଗୀ ଜଟଣୀ ଅଞ୍ଚଳରେ ଜନଶୁଣାଣୀ କାର୍ଯ୍ୟକ୍ରମରେ ଯୋଗ ଦେଇଥିଲେ । ଜଟଣୀ ଖାସମୋହଲ ଅଞ୍ଚଳରେ ଦୀର୍ଘଦିନ ଧରି ବସବାସ କରି ଆସୁଥିବା ବାସିନ୍ଦାଙ୍କ ସମସ୍ୟାର ସମାଧାନ କରିବା ନିମନ୍ତେ ଏକ ଜନ ଅଭିଯୋଗ କାର୍ଯ୍ୟକ୍ରମ ଜଟଣୀ ଟାଉନ ଖାସମହାଲ କାର୍ଯ୍ୟାନୁଷ୍ଠାନ କମିଟି ପକ୍ଷରୁ ଆୟୋଜିତ ହୋଇଥିଲା । ଏହି ଜଣାଶୁଣାଣୀ କାର୍ଯ୍ୟକ୍ରମରେ ସାଂସଦ ଷଡ଼ଙ୍ଗୀ ସମସ୍ତ ଅଭିଯୋଗ ଶୁଣିବା ସହିତ ଆଗାମୀ ୭ ଦିନ ମଧ୍ୟରେ ଏହି ସମ୍ପର୍କରେ ଲିଖିତ ଅଭିଯୋଗ ସହିତ ରାଜ୍ୟ ରାଜସ୍ୱ ବିଭାଗୀୟ ସଚିବଙ୍କ ସହିତ ସାକ୍ଷାତ କରିବା ନେଇ ସୂଚନା ଦେଇଥିଲେ । ଏହାପରେ ଫ୍ଲାଏ ଓଭର ବ୍ରିଜ ପାଇଁ ବିସ୍ଥାପିତ ହେଉଥିବା ବ୍ୟବସାୟୀଙ୍କୁ କିପରି ଅଲଗା ଜାଗାରେ ଥଇଥାନ କରାଯିବ ସେ ବିଷୟରେ ବିଭିନ୍ନ ଅଧିକାରୀମାନଙ୍କ ସହ କଥା ଆଲୋଚନା କରିଥିଲେ ।