ଏସୀୟ କ୍ରୀଡ଼ା: ପ୍ରଥମ ଥର ଭାରତର ପଦକ ସଂଖ୍ୟା ୧୦୦ ଛୁଇଁଲା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ) ଇତିହାସ ରଚିଲା ଭାରତ । ଏସୀୟ କ୍ରୀଡ଼ାରେ ଭାରତର ନୂଆ କୀର୍ତ୍ତିମାନ । କବାଡିରେ ସ୍ୱର୍ଣ୍ଣ ସହ ପ୍ରଥମ ଥର ଭାରତର ପଦକ ସଂଖ୍ୟା ୧୦୦ ଛୁଇଁଲା । ୨୫ ସ୍ୱର୍ଣ୍ଣ ସହ ଭାରତର ପଦକ ସଂଖ୍ୟା ୧୦୦ ହୋଇଛି । ୨୫ ସ୍ୱର୍ଣ୍ଣ, ୩୫ ରୌପ୍ୟ, ୪୦ ବ୍ରୋଞ୍ଜ ସହ ୧୦୦ ପଦକକୁ ଛୁଇଁଛି । ୧୦୦ ପଦକ ସହ ତାଲିକାର ଚତୁର୍ଥ ସ୍ଥାନରେ ଭାରତ ରହିଛି ।
ମହିଳା କମ୍ପାଉଣ୍ଡ୍ ଇଭେଣ୍ଟରେ ଭାରତକୁ ମିଳିଛି ସ୍ୱର୍ଣ୍ଣ । ଦକ୍ଷିଣ କୋରିଆ ପ୍ରତିଦ୍ୱନ୍ଦ୍ୱୀଙ୍କୁ ହରାଇ ସ୍ୱର୍ଣ୍ଣ ଜିତିଛନ୍ତି ସୁରେଖା । ସେପଟେ ଏସୀୟ କ୍ରୀଡ଼ା ତୀରନ୍ଦାଜୀରେ ଭାରତକୁ ଆଉ ଏକ ସ୍ୱର୍ଣ୍ଣ ମିଳିଛି । ପୁରୁଷ କମ୍ପାଉଣ୍ଡ ଇଭେଣ୍ଟରେ ଓଜାସ୍ ଜିତିଲେ ସ୍ୱର୍ଣ୍ଣ । ନିଜ ଦେଶର ଅଭିଷେକ ବର୍ମାଙ୍କୁ ହରାଇ ସ୍ୱର୍ଣ୍ଣ ଜିତିଲେ । ଓଜାସ୍ଙ୍କଠାରୁ ହାରି ଅଭିଷେକ ରୌପ୍ୟରେ ସନ୍ତୁଷ୍ଟ ରହିଛନ୍ତ ।
