ଅସ୍ତରଙ୍ଗ ମାଟିତଳେ ଲୁଚି ରହିଛି ତୈଳ ଓ ପ୍ରାକୃତିକ ଗ୍ୟାସ
ଅସ୍ତରଙ୍ଗ, (ବଡ଼ ଖବର ବ୍ୟୁରୋ): ପୁରୀ ଜିଲ୍ଲା ଅସ୍ତରଙ୍ଗ ବ୍ଲକର ନଇଁଗୁଆଁ, ବେଗୁନିଆବସ୍ତ ଓ ପାଟଣାର ଚାଷଜମିରେ ତୈଳ ଓ ଗ୍ୟାସ ସନ୍ଧାନ ପାଇଁ ସର୍ଭେ ଚାଲିଛି । ଆନ୍ଧ୍ରପ୍ରଦେଶ ଓ କୋଲକାତାର ଠିକାସଂସ୍ଥା ସର୍ଭେ କାମ ଜାରି ରଖିଛନ୍ତି । ସାଟେଲାଇଟ ଚିତ୍ର ମାଧ୍ୟ୍ୟମରେ ଏହି ପ୍ରକ୍ରିୟା ଆଗେଇ ଚାଲିଛି । ଏଠାରେ ଯଦି ସଫଳ ହୁଏ ସ୍ଥାନୀୟ ଅଞ୍ଚଳର ବିକାଶ ହେବା ସହ ଲୋକେ ଉପକୃତ ହେବେ ବୋଲି ଆଶା ରଖିଛନ୍ତି ।
ସର୍ଭେ ହେଉଥିବା ଅଞ୍ଚଳରେ ମାଟି ତଳକୁ ବୋରିଂ ହୋଇ ଶହେ ଫୁଟ ଖୋଳାଯାଉଛି । ଅସ୍ତରଙ୍ଗ ପାଟଣା ଖେଳ ପଡ଼ିଆ ନିକଟରେ ଥିବା ବୈଦ୍ୟୁତିକ ଗାଡିରୁ ଶହ ଶହ ମିଟର କେବୁଲ ବିଛାଯାଇଛି । ସେଥିରେ ବିଭିନ୍ନ ଡିକ୍ଟେଟର ଲଗାଯାଇଛି । ବୋରୱେଲ ମାଟିତଳକୁ ଡିନାମାଇଟ୍ ପଠାଯାଇଛି । ବିଦ୍ୟୁତ ସଂଯୋଗ କରାଯାଇ ବିସ୍ଫୋରଣ କରାଯାଉଛି । ବିସ୍ଫୋରଣ ସ୍ଥାନକୁ ସର୍ବସାଧାରଣଙ୍କ ପ୍ରବେଶ ନିଷେଧ କରାଯାଇଛି ।