ଦେଶରେ କୋଭିସିଲ୍ଡ ପରେ କୋଭାକ୍ସିନକୁ ଅନୁମତି

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ୨୦୨୧ ଦେଶବାସୀ ମାନଙ୍କ ପାଇଁ ଖୁସି ଖବର ଆଣିଦେଇଛି । ୨ଦିନରେ ୨ଟି ଟିକାକୁ ଦେଶରେ ଅନୁମତି ମିଳିଛି । ଗତକାଲି ଅକ୍ସଫୋର୍ଡ ଆଷ୍ଟ୍ରାଜେନିକା ଦ୍ୱାରା ପ୍ରସ୍ତୁତ କରୋନା ଟିକା କୋଭିସିଲ୍ଡକୁ ଅନୁମତି ମିଳିଥିଲା । ଆଜି ଭାରତ ବାୟୋଟେକର କରୋନା ଟିକା କୋଭାକ୍ସିନକୁ ଅନୁମତି ମିଳିଛି ।

କରୋନା ମୁକାବିଲା କ୍ଷେତ୍ରରେ ଦେଶ ଆଜି ଆଉ ଏକ ସଫଳତା ଆଡକୁ ମୁହାଁଇଛି। ଫଳରେ ଆଜି ଦେଶବ୍ୟାପି କୋଭିଡ -୧୯ ଟୀକାକରଣର ଡ୍ରାଏ ରନ୍ ପରେ ଖୁବ ଶୀଘ୍ର ଟୀକାକରଣ ଆରମ୍ଭ ହେବାର ସମ୍ଭାବନା ରହିଛି। ଶନିବାର ଦିନ ଜାତୀୟ ଔଷଧ ନିୟାମକର ବିଶେଷଜ୍ଞ କମିଟି ଭାରତ ବାୟୋଟେକର କରୋନା ଟିକା କୋଭାକ୍ସିନ ଉପରେ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ କରୋନା ଟିକା ପାଇଁ କମ୍ପାନୀର ଆବେଦନ ଉପରେ ବିଚାର କରାଯାଇ ଆଜି ଅନୁମତି ମିଳିଛି ।