ଶ୍ରେଷ୍ଠ ସାଂସଦ ତାଲିକାରେ ଭର୍ତ୍ତୃହରି, ଅପରାଜିତା

ଭୁବନେଶ୍ୱର(ବଡ଼ ଖବର ବ୍ୟୁରୋ): ପ୍ରକାଶ ପାଇଛି ଚଳିତ ବର୍ଷର ଫେମ ଇଣ୍ଡିଆ-ଏସିଆ ପୋଷ୍ଟ ସର୍ଭେ ରିପୋର୍ଟ । ଦେଶର ୫୪୨ ସାଂସଦଙ୍କ ମଧ୍ୟରୁ ସର୍ଭେ ଏଜେନ୍ସି ଏସିଆ ପୋଷ୍ଟ ସହିତ ମିଳିତ ଭାବେ ଏକ ଲମ୍ବା ସର୍ଭେ ଏବଂ ଗ୍ରାଉଣ୍ଡ ରିପୋର୍ଟ ମାଧ୍ୟମରେ ଫେମ ଇଣ୍ଡିଆ ମାଗାଜିନ ୨୫ ଜଣ ସାଂସଦଙ୍କୁ ଶ୍ରେଷ୍ଠ ସାଂସଦ ଭାବେ ଚିହ୍ନଟ କରିଛି । ଯେଉଁଥିରେ ଓଡ଼ିଶାରୁ ପ୍ରତିନିଧିତ୍ୱ କରୁଥିବା ୨ଜଣ ସାଂସଦ ଅଛନ୍ତି । ଭୁବନେଶ୍ୱର ସାଂସଦ ଅପରାଜିତା ସଡଙ୍ଗୀ ଓ କଟକ ସାଂସଦ ଭର୍ତ୍ତୃହରି ମହତାବଙ୍କୁ ଫେମ ଇଣ୍ଡିଆ-ଏସିଆ ପୋଷ୍ଟ ଶ୍ରେଷ୍ଠ ସାଂସଦ ଭାବେ ଚିହ୍ନଟ କରିଛି ।
ଏକ ଦାୟିତ୍ୱପ୍ରାପ୍ତ ଗଣମାଧ୍ୟମ ଫେମ୍ ଇଣ୍ଡିଆ ମାଗାଜିନ୍ ଉତ୍କର୍ଷତାକୁ ସମ୍ମାନ କରିବାର ସାମାଜିକ ପରମ୍ପରାକୁ ଆଗକୁ ବଢାଇ ଭଲ କାମ କରୁଥିବା ସାଂସଦମାନଙ୍କୁ ଏବଂ ସେମାନଙ୍କ କାର୍ୟ୍ୟକୁ ଏହି ସର୍ଭେ ମାଧ୍ୟମରେ ଜନସାଧାରଣଙ୍କ ନିକଟକୁ ଆଣିବାକୁ ଚେଷ୍ଟା କରିଛି ।