ସରିଲା ପୋଷ୍ଟାଲ ବାଲାଟ୍ ଗଣତି
ବାଲେଶ୍ୱର (ବଡ଼ ଖବର ବ୍ୟୁରୋ): କଡା ସୁରକ୍ଷା ବଳୟ ଭିତରେ ଆଜି ଆରମ୍ଭ ହୋଇଛି ବାଲେଶ୍ୱର ସଦର ଉପନିର୍ବାଚନର ଭୋଟ ଗଣତି । ସକାଳ ୮ରେ ଆରମ୍ଭ ହୋଇଛି ଭୋଟ ଗଣତି । ବାଲେଶ୍ୱର ଜିଲ୍ଳାପାଳଙ୍କ କାର୍ଯ୍ୟାଳୟ ପରିସରରେ ଥିବା ୱେୟାର ହାଉସରେ ହେଉଛି ଭୋଟ ଗଣତି । ୧୨୦ଜଣ କର୍ମଚାରୀ ମୋଟ୍ ୧୪ଟି ଟେବୁଲରେ ଗଣୁଛନ୍ତି ଭୋଟ୍ । ୬୦ଜଣ ମାଇକ୍ରୋ ଅବଜରଭର ସଜାଗ ଥିବା ବେଳେ ୩୫ ପ୍ଲାଟୁନ୍ ଫୋର୍ସ ଶାନ୍ତିଶୃଙ୍ଖଳା ରକ୍ଷା ପାଇଁ ମୁତୟନ ହୋଇଛନ୍ତି । ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀ, ଏସପି ସୁଧାଂଶୁ ଶେଖର ମିଶ୍ରଙ୍କ ସମେତ ଜିଲ୍ଳାର ବିରଷ୍ଠ ପ୍ରଶାସନିକ ଅଧିକାରୀ ଭୋଟଗଣତି ସ୍ଥଳରେ ଉପସ୍ଥିତ ଅଛନ୍ତି ।
ମୋଟ୍ ୬ଜଣ ପ୍ରାର୍ଥୀ ଏହି ଉପନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିଲା । ପ୍ରତି ପ୍ରାର୍ଥୀଙ୍କର ୧୪ଜଣ ଲେଖାଏଁ ଏଜେଣ୍ଟ ଭୋଟ ଗଣତି ସ୍ଥଳରେ ଉପସ୍ଥିତ ଅଛନ୍ତି । ୱେୟାର ହାଉସ୍ ଚାରିପାଖରେ ସୁରକ୍ଷା କର୍ମୀ ମୁତୟନ ଥିବା ବେଳେ ସମସ୍ତଙ୍କୁ ଯାଞ୍ଚ କରାଯାଇ ଭିତରକୁ ପ୍ରବେଶ ପାଇଁ ଅନୁମତି ଦିଆଯାଇଥିଲା । ସକାଳ ୮ସୁଦ୍ଧା ୧୬୦୦ ପୋଷ୍ଟାଲ ବାଲଟ୍ ଗଣତି ସରିବା ପରେ ୮.୩୦ରେ ଖୋଲା ହୋଇଥିଲା ଇଭିଏମ୍ । କରୋନା କଟକଣା ଭିତରେ ଭୋଟ ଗତି ଚାଲିଛି ବୋଲି ଜିଲ୍ଳା ନିର୍ବାଚନ ଅଧିକାରୀ ସୂଚନା ଦେଇଛନ୍ତି ।