ବାଲିଗୁଡ଼ା (ବଡ଼ ଖବର ବ୍ୟୁରୋ): କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ପାଟଖଣ୍ଡା ସାହିରେ ଗୋଟିଏ ରୂପା ବ୍ୟବସାୟୀଙ୍କ ଠାରୁ କିଛି ଲୁଟେରା ରୂପା ଲୁଟ କରିଛନ୍ତି । ବ୍ୟବସାୟୀଙ୍କ କହିବା ଅନୁଯାୟୀ ଘରୁ ବାହାରି ବେପାର କରି ଯିବାବେଳେ ଦୁଇଟି ବାଇକରେ ଲୁଟେରାମାନେ ଆସି ଗାଡ଼ିରୁ ପଡ଼ିଗଲା ଭଳି ଅଭିନୟ କରିଥିଲେ ।
ପରେ ତାଙ୍କ ପାଖରୁ ରୂପା ବ୍ୟାଗ୍ ଝାମ୍ପି ନେଇଥିଲେ । ବ୍ୟାଗରେ ୧୦ କେଜିରୁ ଉର୍ଦ୍ଧ୍ବ ରୂପା ଥିବା କହିଛନ୍ତି ବ୍ୟବସାୟୀ । ବ୍ୟବସାୟୀଙ୍କ ଘର ବାଲିଗୁଡ଼ା ପାଟଖଣ୍ଡା ସାହିର ସନ୍ୟାସୀ ନାୟକ। ବାଲିଗୁଡା ଥାନାରେ ଅଭିଯୋଗ ପରେ ପୋଲିସ୍ ତନାଘନା କରିଥିବା ଜଣାପଡ଼ିଛି।
