ଗୋଠ ଛଡ଼ା ହାତୀର ଉତ୍ପାତ, ନା ଘରେ ରହିବାକୁ ଦଉଛନ୍ତି ନା ରାତିରେ ଶୁଆଇ ଦଉଛନ୍ତିି

ବଣାଇ (ବଡ଼ ଖବର ବ୍ୟୁରୋ): ବଣାଇ ରେଞ୍ଜରରେ ଏକ ଗୋଠ ଛଡା ଦନ୍ତା ଦୀର୍ଘ ଦିନ ହେଲା ବଣାଇ, ତଳିତା, ଧରିଣୀଧର ପାଲି, କେନାଭେଟା ଅଂଚଳରେ ଉତ୍ପାତ ଚଳାଇଛି । ଗତକାଲି ରାତିରେ ଗୋବିନ୍ଦ ପୁର ନିକଟ ମଗରମୁଣ୍ଡା ଅଂଚଳରେ ଘରେ ଶୋଇ ଥିବାବେଳେ ହାତୀ ଆସି ଘର ଭାଙ୍ଗିବାରୁ ଘର ଲୋକ ଯିଏ ଯୁଆଡେ ପିଲା ଛୁଆ ଧରି ପଳାଇଥିଲେ । ଫଳରେ ହାତୀ ଘର ଭାଙ୍ଗି ଚାଉଳ ଆସବାସପତ୍ର ସବୁ ନଷ୍ଟ କରିଦେଇଛି ।

ରାତି ସାରା ଅନିଦ୍ରା ହୋଇଛନ୍ତି ଗାଁ ଲୋକ । ବନ ବିଭାଗ ହାତୀକୁ ଘଉଡ଼ାଇ ଥିଲେ ମଧ୍ୟ ହାତୀଟି ରାତିରେ କ୍ଷତି କରି ପୁଣି ଧରିଣୀଧର ପାଲି ଜଙ୍ଗଲକୁ ପଳାଇ ଯାଇଛି । ହାତୀ ଯୋଗୁ ଚାଷୀ ଠାରୁ ସମେସ୍ତେ ନାକେଦମ ହେଲେଣି । ଉକ୍ତ ବିଟ ଅଂଚଳରେ ଥିବା ଫରେଷ୍ଟର, ଫରେଷ୍ଟ ଗାର୍ଡ ହାତୀ ଘଉଡ଼ାଇବାକୁ ଆସୁନଥିବା ଫୋନ କଲେ ଉଠାଉ ନାହାନ୍ତି, ହାତୀକୁ ଦୂର ଜାଗାକୁ ନେବା ସମ୍ପୂର୍ଣ୍ଣ ବିଫଳ ହେଉଛନ୍ତି ବୋଲି କହିଛନ୍ତି ଗ୍ରାମବାସୀ ।