ଓଲଟିଲା ଯବାନଙ୍କୁ ନେଇ ଯାଉଥିବା ବସ୍

ରାଇଘର (ବଡ଼ ଖବର ବ୍ୟୁରୋ): ଛତିଶଗଡ ବସ୍ତର ଜିଲ୍ଲା ଦନ୍ତେୱାଡ଼ା ସ୍ଥିତ ଫରସପାଲିରୁ ନିର୍ବାଚନ କାମ ସାରି ଜଗଦଲପୁର ମୁଖ୍ୟ କାର୍ଯ୍ୟାଳୟକୁ ଯବାନଙ୍କୁ ନେଇ ଫେରୁଥିବା ସମୟ ରେ ଏକ ବସ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ୧୦ ଜଣ ଯବାନ ଆହତ ହୋଇଥିବା ଖବର ରହିଛି । ସେଥିମଧ୍ୟରୁ ତିନିଜଣ ଯବାନ ନିକ ଗୁରୁତର ଅଛନ୍ତି ଆହତ ହୋଇଛନ୍ତି। ଆହତ ଯବାନମାନଙ୍କୁ ଚିକିତ୍ସା ପାଇଁ ଧିମ୍ରାପାଲ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି ।

ଆଉ କିଛି ଯବାନଙ୍କୁ କମ୍ୟୁନିଟି ହେଲଥ ସେଣ୍ଟର ତୁକାପାଲର ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ସୂଚନା ଅନୁଯାୟୀ ବସରେ ପ୍ରାୟ ୩୨ ଯବାନ ଥିଲେ । ଯେଉଁମାନେ ନିର୍ବାଚନ ଡ୍ୟୁଟି ପରେ ଦନ୍ତେୱାଡାରୁ ଜଗଦଲପୁର ମୁଖ୍ୟାଳୟକୁ ଫେରୁଥିଲେ। ତେବେ ଦାନ୍ତେୱାଡା ଜିଲ୍ଲାର କୋଡେନାର ପୋଲିସ ଷ୍ଟେସନ ନିକଟ ମୁଖ୍ୟ ରାସ୍ତାରେ ଏହି ଦୁର୍ଘଟଣା ଘଟିଥିଲା। ସୂଚନା ଅନୁଯାୟୀ ବସ୍ ସାମ୍ନାକୁ ଗୋରୁପୋଲ ଆସିଯିବାରୁ ବସଟି ନିୟନ୍ତ୍ରଣ ବାହାରକୁ ଯାଇ ରାସ୍ତା କଡ଼ରେ ଓଲଟି ପଡିଥିଲା । ବର୍ତ୍ତମାନ ଆହତ ଯବାନଙ୍କ ଅବସ୍ଥା ସ୍ଥିର ରହିଥିବା ସୂଚନା ମିଳିଛି ।