ମୁମ୍ବାଇ (ବଡ଼ ଖବର ବ୍ୟୁରୋ):କରୋନାରେ ବେହାଲ ହେଲାଣି ଫିଲ୍ମ ଇଣ୍ଡଷ୍ଟ୍ରି । କର୍ଫ୍ୟୁ ସତ୍ତ୍ୱେ ବୋଲ ମାନୁନି ମହାରାଷ୍ଟ୍ରରେ ସଂକ୍ରମଣ । ଜଣଙ୍କ ପରେ ଜଣେ ଅଭିନେତା କରୋନା ସଂକ୍ରମିତ ହେବାରେ ଲାଗିଛନ୍ତି । “ବିର ଦି ଓ୍ୱେଡିଙ୍ଗ”ର ଅଭିନେତା ସୁମିତ ବ୍ୟାସ ଏବେ ପଜିଟିଭ ଚିହ୍ନଟ ହୋଇଛନ୍ତି । ଏନେଇ ସେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ତାଙ୍କ ଫ୍ୟାନ୍ସ ମାନଙ୍କୁ ସୂଟନା ଦେଇଛନ୍ତି । ସେ କହିଛନ୍ତି ମୁଁ ଡାକ୍ତରଙ୍କ ଦ୍ୱାରା ପ୍ରେସକ୍ରାଇବ ମେଡିସିନ୍ ଖାଇବା ସହ ଘରେ ସଂଗରୋଧରେ ରହୁଛି । ଯେଉଁମାନେ ମୋ ସଂସ୍ପର୍ଶରେ ଆସିଛନ୍ତି ସେମାନେ ନିଜ ନିଜର ପରୀକ୍ଷା କରାଇନେବାକୁ ସେ ନିବେଦନ କରିଛନ୍ତି ।

ସେପଟେ ଫ୍ୟାସନ ଡିଜାଇନର ମନୀଷ ମଲହୋତ୍ରା ମଧ୍ୟ ପଜିଟିଭ୍ ଚିହ୍ନଟ ହୋଇଥିବା ନେଇ ଇନଷ୍ଟା ଜରିଆରେ ଜଣାଇଛନ୍ତି । ମନୀଷ କହିଛନ୍ତି ମୋ ଠାରେ କିଛି ଲକ୍ଷଣ ଦେଖାଦେବାରୁ ମୁଁ ନିଜର ଟେଷ୍ଟ କରାଇଥିଲି । ଏବେ ରିପୋର୍ଟ ପଜିଟିଭ ଆସିବେ ପରେ ମୁଁ ନିଜକୁ ଆଇସୋଲେସନରେ ରଖିଛି । ସେ ସମସ୍ତଙ୍କୁ କହିଛନ୍ତି ଦରକାର ନଥିଲେ ଘରୁ ବାହାରକୁ ବାହାରନ୍ତୁ ନାହିଁ । ଘରେ ରୁହନ୍ତୁ ସୁରକ୍ଷିତ ରୁହନ୍ତୁ । ସେହିପରି ଅଭିନେତା ଲଲିତ ପରେମୁ କରୋନା ସଂକ୍ରମିତ ହୋଇଛନ୍ତି। ତାଙ୍କୁ ପ୍ଲାଜମାର ଆବଶ୍ୟକତା ରହିଛି । ଏନେଇ ନିର୍ଦ୍ଦେଶକ ହଂସଲ ମେହେଟ୍ଟା ଟ୍ବିଟ କରି ପ୍ଲାଜମା ପାଇଁ ଦାବି କରିଛନ୍ତି ।

ତେବେ କେବଳ ବଲିଉଡ ନୁହେ ଟଲିଉଡରେ ମଧ୍ୟ କରୋନା ତାର କାୟା ବିସ୍ତାର କରି ଚାଲିଛି । ପାୱାର ଷ୍ଟାର ପୱନ କଲ୍ୟାଣ, ଯାହାଙ୍କର ଆଗାମି ଫିଲ୍ମ “ଭେକେଲ ସାବ’ ବକ୍ସ ଅଫିସରେ ରେକର୍ଡ ଭାଙ୍ଗୁଛି, ଦୁର୍ଭାଗ୍ୟବଶତ ସେ ମଧ୍ୟ କୋଭିଡ ସଂକ୍ରମିତ ହୋଇଛନ୍ତି । ହାଇଦ୍ରାବାଦ ସ୍ଥିତ ନିଜ ଫାର୍ମ ହାଉସରେ ଥିବା ସମୟରେ ତାଙ୍କ ଦହେ ଖରାପ ହୋଇଥିଲା । ତେଣୁ ସେ କୋଭିଡ ପରୀକ୍ଷା କରାଇଥିଲେ । ରିପୋର୍ଟ ପଜିଟିଭ ଆସିଥିଲା । ବର୍ତ୍ତମାନ ସେ ଆପୋଲୋ ହସ୍ପିଟାଲରେ ଚିକିତ୍ସୀତ ହେଉଛନ୍ତି ।

Leave a Reply

Your email address will not be published. Required fields are marked *